Өдөрт 8 аяга ус уух хэрэгтэйг бүгд мэддэг ч хэзээ, хэрхэн, ямар ус уух талаар тэр бүр мэддэггүй. Их хэмжээний ус нэг дор уух, удаан хугацаанд ус уулгүй явах нь биед сөргөөр нөлөөлж, биеийн бүх эд эрхтэн тогтолцоог ч алдагдуулах хортой. Толгой өвдөх, нойргүйдэх, ядарч сульдах гэх мэт шинжүүд ч шингэний дутагдлаас үүдэлтэй. Тэгвэл АНУ-ын эмч нарын зөвлөж буй ус уух энгийн аргуудыг тогтоогоод аваарай.
#1 8 аяга бус өөрт тохирох хэмжээний ус уух
Өөрийн жингийн 1 кг тутамд 35 мл тооцон уухыг зөвлөж байна. Жишээ нь та 60 кг жинтэй бол 2.1 литр усыг өдөрт уух хэрэгтэй гэсэн үг.
#2 Өрөөний температурт бүлээсгэсэн ус уух
Цэл хүйтэн, час халуун ус хэзээ ч бүү уугаарай. Бүлээн ус хамгийн ашиг тустай.
#3 Өглөөг аяга усаар эхлүүлэх
Шөнийн турш биеийн шингэн шимэгддэг тул өглөө сэрмэгцээ ус уух хэрэгтэй.
#4 Хооллож байхдаа бус хоол хооронд ус уух
Хооллож үедээ хэзээ ч бүү усаар даруулаарай. Оронд нь хоолоо идэхээс 20 минутын өмнө болон 20 минутын дараа хооллож дадаарай.
#5 Усаар баялаг хоол хүнс хэрэглэх
Усыг дангаар нь уухаас гадна хоол хүнснээс авч болохыг санаарай. Шүүслэг жимс ногоо, амин дэм, ферментээр баялаг хүнс хэрэглэхдээ давхар ус ууж байгаа л гэсэн үг.
#6 Кофе, согтууруулах ундааны хэрэглээг нөхөх
Кофе, архи согтууруулах ундаа биеийн шингэнийг гадагшлуулж шимэн авдаг. Тэгэхээр нэг аяга кофе уух бүртээ ахин нэг аяга ус уух хэрэгтэй.
#7 Байнга усны савтай явах
Байнга ус уухын тулд байнга дэргэдээ ус байлгах хэрэгтэй. Маш энгийн.
#8 Сонирхолтой, амин дэмтэй ус уух
Дан ус хангалттай ууж чаддаггүй бол зүсэм нимбэгтэй, зөгийн балтай, кокостой, хандтай гэхчлэн баяжуулан уугаарай.
Эх сурвалж: Vogue
