Киска нэртэй алуурчин халим (Orca) өнгөрөгч баасан гарагт буюу 3 сарын 10-нд өөд болсныг Animal Justice байгууллагаас мэдээлжээ. Ниагара хүрхрээний аквариумд хоригдож байсан тус халимын үхлийн дараагаас тус байгууллага аквариумд мөрдөн байцаалтын ажиллагаа явуулж, яллахыг уриалж байгаа юм.
Тус халим 46 настай байсан бөгөөд 1979 онд зулзага байхад нь түүнийг Исландаас гэр бүлээс нь салган авч аквариумд худалдсан байна. Тэр үеэс хойш Киска усан санд ганцаараа бүх насыг өнгөрүүлсэн байна.
2011 оноос тэр орь ганцаар тусгаарлагдан амьдарч эхэлснээр бүх цагийг усан сангийн ханыг гөлрөн бүх хөвж өнгөрүүлэх болсон байна.
Хэдийгээр тэрээр нас барахаасаа өмнө тоглолт хийхээ больсон ч үзүүлэн болон үлдсэн бөгөөд Канад улсад үлдсэн хамгийн сүүлчийн хоригдсон орка болсон юм.
Киска таван зулзага төрүүлсэн ч бүгд жаахан байхдаа өөд болжээ.
2021 онд түүний толгойгоо усан сангийн хана руу цохиж буй бичлэг цахим ертөнцөөр тарж, амьтныг хоригдол болгохын эсрэг болон амьтны эрхийн төлөө тэмцэгчид '#FreeKiska' гэсэн хаштаг эхлүүлсэн байна.
Өнгөрөгч нэгдүгээр сард дроноор авсан бичлэгт тэрээр орь ганцаараа байгаа гунигт дүрс буусан байна.
