Хэдхэн хоногийн өмнө Тбилисийн Их дуулга тэмцээнд оролцож дөрвөн медаль хүртсэн Монголын жүдочид өнөөдрөөс эхэлж буй ДАШТ-ий өмнөх сүүлчийн сорил болох Антальяагийн Их Дуулгад зодоглож байна.
Өнөөдөр хөнгөн жингийн барилдаанууд явагдаж эрэгтэйчүүдийн 66 кг-ийн жинд зодоглосон Б.Эрхэмбаяр Аргентин, Герман, Молдова, Израйл, Казакстаны бөхчүүдийг ялж мөнгөн медалийн болзол хангаад байна.Тэрээр Их дуулга ангиллын тэмцээнээс анх 2018 онд хүрэл медаль хүртэж, өнгөрсөн онд Улаанбаатарт түрүүлэн, өнгөрсөн сард Парисийн дуулгаас мөнгөн медаль хүртээд байгаа билээ.
