1 мин

Неймар Саудын Арабт 25 өрөөтэй харшид байрлаж, тансаг зэрэглэлийн гурван машин эзэмшинэ

У.Чинзориг 2023.08.17 1

Бразилийн хөлбөмбөгийн "од" Неймар Саудын Арабын "Аль Хилал" клубийн эгнээнд нэгдсэн билээ.

Неймар "Аль Хилал"-аас хоёр жилийн хугацаанд 300 сая долларын үндсэн цалинг авна. Гэхдээ нэмэлт янз бүрийн нөхцлүүдээс хамааран түүний цалингийн хэмжээ 400 сая доллар хүртэл өсөх боломжтой.

Тухайлахад, "Аль Хилал" клуб хожих бүрт 80 мянган еврогийн урамшуулал халааслах бол, олон нийтийн мэдээллийн хэрэгслээр Саудын Арабыг сурталчлах бүрийдээ 500 мянган еврог нэмэлтээр авна.

Мөн Арабууд түүнийг аялахад зориулж хувийн онгоц бэлдсэн төдийгүй 25 өрөөтэй харшид байрлуулжээ. Түүний гэрийн ажилд таван хүн туслах агаад гэрт нь 40х10 метрийн усан бассейн мөн гурван саун байна.

Неймар ойр зууртаа Bentley Continental GT, Aston Martin DBX, Lamborghini Huracan гэсэн тансаг зэрэглэлийн гурван машин ээлжилж унана. Тэрээр үүн дээр нэмж 4 Mercedes G Wagon загварын машин захиалжээ.

Түүнд мэдээж 24 цагийн жолооч бий. Мөн амралтын өдрүүдээр зочид буудал, ресторан болоод төрөл бүрийн үйлчилгээ авсан тохиолдолд эл төлбөрийг "Аль Хилал" төлнө. 

У.Чинзориг 2023.08.17