Тестостерон дааврыг эр бэлгийн даавар хэмээн нэрлэдэг бөгөөд эрэгтэй хүний булчинлаг бие, баргил хоолой, хүч чадлыг бий болгодог, яс булчингийн эрхтэн тогтолцоонд чухал үүрэгтэй даавар юм.
Тэгвэл "World Population Review" байгууллагаас 2010-2022 онд хийгдсэн хэд хэдэн датанд үндэслэн тестостерон даавар хамгийн өндөртэй улс орнуудыг жагсаахад Монгол улс 1-т, Этиоп 2-т, Нигери 3-т тус тус бичигдсэн байна.
Тестостерон дааврын түвшинг нг/дл буюу децилитр тутам дахь нанограммаар хэмждэг бөгөөд монгол эрчүүдийн дундаж тестостерон дааврын түвшин 693 нг/дл байна. Судлаачдын үзэж буйгаар эрэгтэй хүний бие дэх тестостерон дааврын түвшин 300-1000 нг/дл байх нь эрүүл хэмжээ юм. Эрчүүдийн амьдарч буй цаг агаар орчин нөхцөл, хооллож буй хүнс тэжээл, өдөр тутмын дадал зуршлаас тестостерон дааврын хэмжээ хамаардаг бөгөөд тестостерон даавар ихтэй эрчүүд булчинлаг, хүч чадалтай, эршүүд шинжтэй, сахал биеийн үс ихтэй байх аж.
Тестостерон дааврын хэмжээ бага байх нь эрүүл бус гэсэн үг биш боловч хүний биен дэх тестостерон даавар хэт багассанаар сэтгэл гутралд орох, таргалах, сульдах, ой тогтоолт муудах зэрэг шинж тэмдэг илэрдэг байна.
Хамгийн өндөр тестостерон дааврын түвшинтэй 10 улс:
Монгол: 693
Этиоп: 671
Нигери: 649
Пакистан: 635
Египет: 623
Орос: 619
Саудын Араб: 605
Польш: 595
Киргиз: 595
Судан: 589
Улсуудаас онцолбол Хятад 480, Энэтхэг 474, Австрали 434, Америк 420, Бразил 416, Канад 402 түвшинтэй байна. Харин венесуэлчүүд хамгийн бага буюу 290 тестостерон дааврын түвшинтэй гарчээ.
Эх сурвалж: Worldpopulationreview
