Зориглоод үзэхгүй л юм бол юмс өөрчлөгдөхгүй шүү дээ. Яахаа мэдэхгүй байгаа, ядаж юунд урихаа ойлгоогүй байгаа хүмүүст сүүлийн дулаахан өдрүүдийг чадлаараа ашиглаад аваарай гэж зөвлөх байна.
1. Кинонд урьМэдээж маш сонгодог арга. Гэхдээ киногоо бодолтой сонгох хэрэгтэй. Жишээ нь "Dreamers' Day" кино өдөрлөгт урьж яагаад болохгүй гэж? Хүмүүсийн тэр болгон мэддэггүй, байнга үздэггүй шинэ хуучин бүх киног гаргадаг. Бямба гараг болгон болдог болохоор болзоогоо тааруулаад уулзаад үзээрэй. Харамсахгүй гэдэгт итгэлтэй байна.
2. Ууланд гарахХүмүүс яагаад тэр болгон өглөө болздоггүй юм бол гэж би гайхдаг аа. Өглөөний цэнгэг агаар цаанаасаа л өөр. Сайхан уул модонд алхаад, юм яриад явбал романтик биш гэж үү? Өглөөний цай, халуун кофе бэлдээд гараарай.
3. Хамтдаа сайн дурын ажил хийхХүмүүст туслах, байгаль орчин, амьтдад ээлтэй сайн үйл хийх хүсэлтэй байгаагаа хуваалцаад, хамтдаа "volunteer" болбол ямар вэ? Цагийг мартагдашгүй, утга учиртай өнгөрүүлэх сайхан боломж шүү.
4. Зураг зурж, бүтээл хийх сургалтад явахВаар, аяга өөрсдийн гараар хийж, зураг зурдаг сургалтууд сүүлийн үед овоо олон болжээ. Хайгаад үзвэл олдох болно. Тийм зүйлд дагуулаад очвол үнэхээр цагийг сайхан өнгөрүүлэх боломж олдоно.
5. Музей, үзэсгэлэн үзэхЯг ийм үед музейг тойрсон аялал хийх ямар гоё гээч. Тайлбаруудыг нь хамтдаа уншиж, тэрхүү дуу чимээгүй, өвөрмөц орчинд түүхээр аялаарай. Бас урлагийн үзэсгэлэнгүүдээр зочлоорой.
6. Board-game орой зохиохЗөвхөн хоёулаа гэхээр эвгүй эсвэл ирэхгүй байх гэж бодож байвал найзуудаараа байсна ч болно. Сонирхолтой тоглоомуудаа цугуулж авчраад тоглоорой. Sequence, Avalon, Catan гээд өчнөөн бий.
7. Ил гал дээр хөвөн чихэр болгож идэхХүүхэд шиг сонсогдож байж мэдэх ч яг тэгээд халуун шоколад уунгаа бяцхан ил гал дээр хөвөн чихэр болгож иднэ гэдэг үнэхээр романтик байх болно. Зүгээр л туршаад үз.
8. Номын клуб, ярилцдаг хүмүүстэй уулзахЭнэ үед ном унших нь үнэхээр таатай байдаг. Хамтдаа нэг ном барьж аваад, уулзалтад очъё хэмээн урих нь түүнд таалагдана гэдэгт итгэлтэй байна.
