Хятадын Ханжоу хотноо Азийн спортын 4-р пара наадам 10-р сарын 22-нөөс 10-р сарын 28-ны өдрүүдэд зохион байгуулагдаж байна.
Хүндийн өргөлтийн хэвтээ шахалтийн төрөлд өрсөлдсөн “Токио-2020” паралимпын аварга, “Рио-2016” паралимпын хүрэл медальт, ДАШТ-ий алт, мөнгөн медальт, дэлхийн цомын алт, мөнгөн медальт, Ази тивийн аварга Энхбаярын Содномпилжээ Азийн пара наадмаас мөнгөн медаль хүртлээ.
Тэрбээр хоёр дахь оролдлогоороо 245 кг-ийг өргөсөн агаад гурав дахь оролдлогодоо 251 кг-ийн туухайг ахиулан захиалсан ч амжилтгүй болсон юм. Тус төрөлд Ираны тамирчин гурав дахь оролдлогоороо 251 кг-ийн туухайг өргөж алтан медаль хүртсэн. Ийнхүү Э.Содномпилжээ Азийн пара наадмаас иж бүрэн (“Инчёон-2014”-өөс хүрэл, “Жакарт-2018”-аас алт, “Ханжоу-2022”-оос мөнгө) медальтай болж байна.
Мөн түүний медаль бол “Ханжоу-2022” Азийн пара наадмын Монголын баг, тамирчдын долоо дахь медаль юм.
