1 мин

"M5 Wild Card" тэмцээнийг ESN–eSport Network албан ёсны эрхтэйгээр шууд дамжуулна

Ub.life 2023.11.21

Монгол улсаас анх удаа Mobile Legends: Bang Bang тоглоомын Дэлхийн аваргын эрхийн төлөөх M5 Wild Card тэмцээнд баг тамирчид маань оролцоход бэлэн боллоо. ESN  буюу eSports Network-оос Монгол дахь шалгаруулалтыг зохион байгуулсан бөгөөд аварга болсон TEAM LILGUN-ы Малайз улсыг зорих бүх зардлыг дааж байна. 

M5 Wild Card шатны тэмцээн нь энэ сарын 23-наас 26-ны хооронд Малайз улсын нийслэл Куала Лумпур хотод болох бөгөөд нийт 8 улсын баг оролцоход бэлэн болжээ. Үүнээс хэсгийн шатанд хоёр баг шалгарч, 12 дугаар сард Филиппин улсыг зорих болно. 

Испорт сонирхогч та бүхэн Монгол багаа уухайлан дэмжиж, MLBB дэлхийн аваргын төлөөх тэмцээнд анх удаа Монгол улсын төлөөллийг харахыг хүсвэл ESN – eSports Network-ийн Youtube  хуудас болон Premier Sports Network 5 дээр сувгаа тааруулаарай.

Тэмцээнд оролцох 8 баг: 

• Монгол– TEAM LILGUN
• Хятад– KEEP BEST GAMING 
• Непал – 4Merical Esports
• Лаос – Nightmare Esports
• CIS – Umbrella squad
• Саудын Араб – Team Falcons 
• Аргентин – Imperio E-sport
• Малайз – Team SMG

900 мянган ам.долларын шагналын сантай дэлхийн аварга шалгаруулах тэмцээн энэ оны арванхоёрдугаар сарыг дуустал үргэлжилнэ.

Team Lilgun багийн бүрэлдэхүүн:

• EXP Lane - Aizn /М.Энхбат/
• Jungler - Zxaura /Т.Багабанди/
• Middle - Forbid /М.Амармөрөн/
• Gold Lane - Bebex /Ч.Эрдэнэмөнх/
• Roamer - Ethan /Б.Батболд/

Ub.life 2023.11.21