Английн Премьер лигийн 13-р тойргийн тоглолтууд өнгөрсөн амралтын өдрүүдээр явагдлаа. "Манчестер Юнайтед" клуб энэ тойрогт "Эвертон"-ий Гүүдисон Паркт зочлон тоглож, 3:0-ээр хожсон юм.
Тоглолтын эхний гоолыг Алехандро Гарначо "унаж татах" байдлаар оруулсан. Түүний эл ганган гоолыг 2011 онд "Манчестер Сити"-гийн эсрэг Рүүнигийн хийсэн гоол болон 2018 оны Аваргуудын лигийн шигшээ наймд "Ювентус"-ын эсрэг оруулсан Роналдугийнхтэй дүйцүүлэн үнэлж байна.
Тэрбээр тоглолтын дараагаар "Үнэнийг хэлэхэд би ганган гоол оруулсандаа одоо ч итгэж чадахгүй байна. Үзэгчдийн шуугианаас л гоол оруулснаа сонслоо" гэжээ. Тэрбээр өнөө жил 19 настай.
