Одоо тэр хүүхэд биш: Жастин Бибер 30 нас хүрлээ
Дуучин Жастин Бибер 1994 оны гуравдугаар сарын 1-нд Лондонд төржээ. Гэхдээ Их Британийн биш Канадын Лондон хотод.
Аав нь орхиод явчихсан тул ээж нь хүүгээ дэмжсээр Бибер YouTube-д анх алдаршсан юм.
13 настайд нь түүнийг нэгэн дуу бичлэгийн студи анзаарч, гэрээ байгуулсан байна.
Бибер “Маркетингийн ачаар алдаршаагүй. Цэвэр авьяасаараа гарч ирсэн. Дэлхийн хамгийн супер од болох зорилготой байлаа” гэж ярьж байлаа.
15 настайдаа гаргасан анхны My World цомог нь АНУ, Канад, Их Британид хамгийн их борлуулалттай цомог болсон.
16 настайдаа хийсэн Baby клипээр тэр бүтэн 2 жил YouTube-г эзэгнэсэн билээ.
“Амжилтын нууц аа? Би жирийн хүн. Бурхандаа итгэдэг. Дэргэд минь дандаа үнэнч сайн хүмүүс байгаа” гэж тэр ярьж байлаа.
2022 онд тэр Рамси Хантын синдром хэмээх сэтгэл мэдрэлийн өвчтэй нь илэрсэн. Нүүрнийх нь тал хэсэг нь мэдээгүй болсон тул тоглолт хийхээ больсон.
2024 онд тэр гэнэт тайзанд эргэн ирсэн юм. “Дуу зохиож байхдаа би аз жаргалтай байдаг” гэж Бибер хэлсэн.
Модель Хейли Болдуинтэй гэрлэсэн. Тэд Калифорнид амьдардаг.