1 мин

Герман эр ковидын эсрэг вакциныг 217 удаа хийлгэсэн байжээ

Ub.life 2024.03.06 1

62 настай Германы иргэн эмч нарын зөвлөсний дагуу ковидын эсрэг вакциныг 217 удаа хийлгэсэн тухай The Lancet Infectious Diseases сэтгүүлд гарсан өгүүлэлд бичжээ.

Энэхүү хачирхалтай тохиолдлын талаар Эрланген-Нюрнбергийн их сургуулийн эрдэмтэд сонины нийтлэлээс олж мэдэн улмаар түүнтэй холбогдож, шинжилгээ өгөхийг хүссэн гэнэ. 

Тус иргэн 29 сарын дотор нийт 217 удаа вакцин хийлгэсэн бөгөөд Магдебург хотын прокурор одоогийн байдлаар 130 тохиолдлыг нь баталгаажуулаад байгаа гэнэ. Мөн уг хэргийг залилан байж болзошгүй хэмээн үзэж мөрдөн байцаалтын ажиллагаа эхлүүлсэн боловч үүнийг батлах баримт олдоогүй байна. 

Эрланген-Нюрнбергийн их сургуулийн Микробиологийн тэнхимийн судлаачид уг өвчтөний дархлааны систем олон тооны вакцинд ямар хариу үйлдэл үзүүлснийг мэдэхийн тулд хэд хэдэн цусны шинжилгээ авчээ.

Түүний шинжилгээний үр дүн судлаачдыг гайхширалд оруулаад байна. Учир нь, доктор Килиан Шобер тэргүүтэй судлаачид олон удаа давтан тун хийлгэх нь дархлааны системийг хэт идэвхжүүлж, зарим эсийг ядрааж болзошгүй хэмээн санаа зовниж байсан ч 62 настай иргэнд ямар ч шинж тэмдэг, вакцины гаж нөлөө илрээгүй аж.

Эх сурвалж: BBC

Ub.life 2024.03.06