"Бахархал ба Бардамнал"-ын Дарсигийн цамцыг дуудлага худалдаанд оруулжээ
Зохиолч Жэйн Остений алдарт Pride and Prejudice (Бахархал ба Бардамнал) зохиолоос сэдэвлэсэн хоёр ч дэлгэцийн бүтээл байдаг. Тэгвэл жүжигчин Колин Фертийн 1995 онд гарсан "Бахархал ба Бардамнал" кинонд тоглохдоо өмссөн цамцыг саяхан дуудлага худалдаагаар оруулжээ.
Дарсигийн цамцыг 7000-10000 фунт стерлингээр үнэлсэн боловч дуудлага худалдааны үеэр 25,000 фунтээр зарагдсан байна.
Лондонд болсон тус дуудлага худалдаанд Оскарын шагналт дизайнер Жон Брайтын үүсгэн байгуулсан Коспроп хувцасны архивын үнэт зүйлс багтжээ. Кино, телевизийн 60 гаруй бүтээлд ашигласан, Мадонна, Маргот Робби, Жонни Депп зэрэг алдартнуудын өмсөж байсан хувцаснуудыг ийнхүү дуудлага худалдаагаар оруулж, орлогыг нь буяны үйл ажиллагаанд зарцуулахаар болжээ.
Эх сурвалж: BBC