1 мин

75 нас хүрсэн В.Леонтьев уйлж, унжилгүй тайзаа орхилоо

М.Сугар-Эрдэнэ 2024.03.20 3 1 1

ЗХУ, ОХУ-ын алдарт дуучин Валерий Леонтьев 75 насны ойгоо тэмдэглэж байна.

Валерий төрсөн өдрөөрөө тайзаа орхиж байгаагаа мэдэгдэн, “Миний тавин жил зүтгэсэн эстрадын урлаг өтөлж доройтсон хүнийг тэвчдэггүй. Би 2019 онд 70 насныхаа ойгоор Москва, Питерт үнэгүй тоглолт хийсэн. Би уйлж, унжилгүй явж байна” гэж хэлсэн юм.

Валерий Леонтьев 1949 оны гуравдугаар сарын 19-нд Комигийн нэгэн тосгонд төржээ. 

Жүжигчин болохыг мөрөөддөг байсан ч тосгондоо шууданч, үйлдвэрийн ажилчин гээд янз бүрийн ажил хийж байв.

Воркутад байдаг эгчийндээ очиж, инженерийн сургуульд элсэж, хөдөө тосгоноосоо гарсан байна.

Хичээлийн хажуугаар дуу дуулж, ажилчдын өмнө концерт хийдэг болов.

30 настайдаа Ялтагийн наадамд түрүүлж, алдарт хөгжмийн зохиолч Давид Тухмановтой танилцсанаар амьдрал нь өөрчлөгджээ.

Хэт ганган, заримдаа замбараагүй хувцасладаг байснаас үе үе Засгийн газраас тоглолт хийх эрхийг нь хасдаг байжээ.

“Хэрэв чи тайзан дээр гарсан бол сүүлийн тоглолт шиг л хичээх ёстой. Яагаад гэвэл маргааш хэн нэгэн дарга чиний дуулах эрхийг хасаж магадгүй” гэж тэр ярьж байлаа.

Эхнэртэй, хүүхэдгүй. Гэргий нь Майамид амьдардаг.

М.Сугар-Эрдэнэ 2024.03.20