1 мин

Хүүхдийн бэлгийн мөлжлөгийн хэргээр реппер Диддигийн гэрт нэгжлэг хийлээ

О.Анхзаяа 2024.03.26 2 1

Америкийн цагаар даваа гарагийн өдөр Шон "Дидди" Комбсын Лос Анжелес, Майами дахь гэрт хууль сахиулагчид нэгжлэг хийжээ. 

Реппер, продюсер Диддиг бэлгийн мөлжлөгийн хэрэгт буруутган, холбооны мөрдөн байцаах ажиллагаа явуулж байна. Тэрбээр өөрийг нь буруутгаж байгаа бүх мэдээллийг үгүйсгэж байгаа юм.

Диддигийн эсрэг нийт дөрвөн гомдол ирсэн бөгөөд хүчин, насанд хүрээгүй хүүхдийн бэлгийн мөлжлөг, биед халдсан зэрэг хэд хэдэн хүчирхийллийн шинж чанартай үйлдэлд буруутгасан байна. 

Гэрт нь гэнэтийн нэгжлэг хийх үед тэр өөрөө байгаагүй бөгөөд түүний Gulfstream 5 хувийн онгоц харин АНУ-аас өөр улс руу хөдөлсөн байжээ. Түүний онгоцны байршил Антигуа арал орчимд сүүлд тогтоогдсон байна. Гэхдээ тэрээр өөрөө онгоцондоо сууж явсан эсэх тухай мэдээлэл алга байна хэмээжээ.  

Шүүхээс энэхүү мэдэгдэл очсоны дараа Дидди өөрийн цахим хуудсаараа дамжуулан өнгөрөгч 12 сарын 7-нд ийм нэгэн мэдэгдэл гаргаж байсан билээ.

Одоо хангалттай

Сүүлийн хэдэн долоо хоногийн турш хүмүүс намайг буруутгаж, миний бүтээсэн бүхнийг үгүй хийхээр оролдож буйг би дуугүй харж суусан. 

Ашиг хонжоо харж, хурдан мөнгө олох хүсэлтэй хүмүүс миний эсрэг үнэхээр аймшигтай мэдүүлэг өгч, худал мэдээлэл цацлаа. 

Би энд тодорхой хэлье: Намайг хийсэн гээд байгаа тэр аймшигт зүйлсийн алийг нь ч би хийгээгүй. Би өөрийнхөө нэр төр, гэр бүл, үнэний төлөө тэмцэх болно. 

Шон Дидди Комбс

О.Анхзаяа 2024.03.26