1 мин

Рөүзийг амьд үлдээсэн Титаникийн "хаалга" 718,750 доллараар зарагджээ

Ub.life 2024.03.28

Алдарт "Титаник" кинонд Рөүзийг далайн усанд хөлдөхөөс аварсан "хаалга"-ыг саяхан дуудлага худалдаагаар оруулж 718,750 доллараар худалджээ. Гэхдээ энэ нь хаалга биш бөгөөд нэгдүгээр зэрэглэлийн амралтын өрөөний үүдний өмнөх хаалганы хүрээ гэж Heritage Auctions дуудлага худалдааны зохион байгуулагчид мэдээлжээ. Үүнийг киноны уран бүтээлчид 1912 оны Титаникийн сүйрлээс олдсон хэлтэрхийгээс санаа авч бүтээсэн аж.

"Титаник" 1997 онд дэлгэцнээ гарснаас хойш үзэгчид уг модон "хаалга" хоёр хүн багтах хэмжээний том байсан эсэхийг хамгийн их сонирхож, хоорондоо мэтгэлцэж байсан юм. Тэр бүү хэл найруулагч Жэймс Камерон Рөүзийг "хувиа хичээсэн", Жэкийг "тэнэг"-ээр нь дуудсан и-мэйлийг өдөрт хэдэн арваар нь хүлээж авдаг гэж 2012 онд өгсөн ярилцлагадаа дурдаж байжээ.

Сонирхож буй хүмүүст дуулгахад, энэ хүрээ нь 2.4 метрийн урт, 1 метрийн өргөнтэй юм байна.