АНУ-ын нэгэн гэр бүл хайртай муураа алдаж бөөн эрэг хайгуул болсны эцэст огт төсөөлөөгүй газраас олжээ. Тухайлбал Кларк хэмээх эмэгтэй өөрийн амьдардаг Юта мужаас Калифорни муж руу Амозон компаниар дамжуулан хайрцаг ачаануудыг илгээсэн байна. Ачааг илгээгдсэнээс хойш тэдний Галена муур алга болсон бөгөөд түүнийг хаачсан талаар ямар нэг ул мөр олдоогүй гэнэ. Тээш ч замдаа гарч муураа алдсан гэр бүлийнхэн ойр орчимдоо хайсаар. Гэтэл уг үйл явдлаас бүтэн долоо хоногийн Кларагийн утас руу Амозон компаниас залгасан бөгөөд муурыг нь 1186 километрийн цаадах Калифорниа мужийн тээш хадгалах газраас олсныг мэдэгджээ.
Муурыг ажилчдын гутлаар дүүргэсэн том хайрцгаас олсон бөгөөд хайрцаг азаар дотроо том зайтай мөн агаар нэвтрэх цоорхойтой байсны ачаар эсэн мэнд олджээ.
Тэгэхээр Галена муур хэнийг ч хараагүй байхад хайрцаг руу үсрэн орж бүтэн долоо хоног тээвэрлэгдэн явсан болж таарч байгаа юм.
Энэ талаар сонссон муурын эзэн Клара нөхрийн хамт Юта мужаас Калифорниа муж руу яаравчлан замд гарчээ. Тэд муураа олсон даруйдаа малын эмчид хандахад уг үйл явдлыг сонссон эмч тоглоом мэт хүлээж аван итгээгүй гэнэ. Учир нь муур хэдий амьдрах чадвар өндөртэй ч гэлээ Галена муранд тохиолдсон шиг нөхцөлд ус, хоолгүй долоо хононо гэдэг бараг л боломжгүй аж. Энэхүү үйл явдлын дараа олон улсын амьтан хамгаалан нийгэмлэгийн зүгээс гэрийн тэжээвэр амьтадаа илүү анхаарал хандуулж байршил тогтоох чип суурилуулахыг зөвлөөд байна.
Эх Сурвалж: BBC
