IU нийт 5 тэрбум воны хандив өргөжээ
Өмнөд Солонгосын дуучин АйЮ өгөөмөр сэтгэлтэйгээрээ алдартай. Тэрээр Хүүхэд хамгаалах өдөрт зориулан, ес дэх удаагаа хандив өргөлөө.
АйЮ “ChildFund Korea” санд 100 сая воны хандивлаад “Бүх хүүхэд хайр энэрлээр дүүрэн, эрүүл энх өсөөсэй. IUAENA-гийн энэ хаврын дэмжлэг” гэж бичсэн байлаа.
Дуучин бүсгүй урлагийн салбарт хөл тавьсан цагаасаа хойш нийт 5 тэрбум воны хандив өргөөд байгаа юм. Жишээ нь, ковидын эсрэг тэмцэлд 260 сая, Севоль хөлөг онгоцны ослын хохирогчдод 250 сая, ахмад настнуудад 150 сая воны хандив өгч байлаа.
Энэ жил АйЮ дэлхий тойрон аялан тоглолт хийж байгаа. Өнгөрсөн сарын сүүлээр Жакартад болох тоглолтдоо оролцохоор Инчон нисэх буудалд ирэхэд нь гэрэл зурагчдын авсан зургийг толилуулж байна.