"Манчестер Юнайтед" клуб анх удаагаа Премьер лигийн нэг улирал дахь 13 тоглолтод хожигдлоо
Өнгөрсөн шөнө Английн Премьер лигийн 36-р тойргийн хүрээнд явагдсан "Манчестер Юнайтед" болон "Кристал Палас" багуудын тоглолтод талбайн эзэд 4:0-ээр хожлоо.
Энэ тоглолтод ялагдал хүлээснээр Улаан чөтгөрүүдийн ирэх улирлын Аваргуудын лигт тоглох мөрөөдөл нуран унав. Үүгээр ч зогсохгүй, тэд одоогоор Премьер лигийн наймдугаар байрт бичигдэж байгаа нь Европын ямар ч тэмцээнд оролцохгүй байх эрсдэлтэй бодитоор нүүр тулсан гэсэн үг.
Тэд Премьер лиг дэх одоогийн байрлалаа нэгээр ахиулах эсвэл ФА Кап тэмцээний финалд "Манчестер Сити"-г хожиж гэмээнэ сая Европа лигийн эрхээ баталгаажуулах учиртай.
Эрик тен Хагийн баг Премьер лигт хийсэн сүүлийн долоон тоглолтдоо ердөө ганцхан хожсон нь доошоо унах нь хэдийн тодорхой болсон "Шеффилд Юнайтед"-ийг ялсан явдал юм.
Өнгөрсөн шөнийн тоглолтод ялагдал хүлээсэн "Манчестер Юнайтед" клуб түүхэндээ анх удаагаа Премьер лигийн нэг улирал дахь 13 тоглолтод хожигдсон.
Мөн тэд энэ улиралд 81 гоолыг хаалгандаа алдаад буй нь 1976-77 оноос хойших хамгийн муу үзүүлэлт нь юм.
Эрик тен Хаг энэ улирлын төгсгөлд Улаан чөтгөрүүдийн түүхэн дэх хамгийн муу дасгалжуулагчийн дүрээр багаа орхих нь ээ.