"Ugly face" тун удахгүй тренд болох уу?
Гоо сайхны бүтээгдэхүүнүүд хүрээгээ тэлэхийн хэрээр төгс бус байдлыг эрхэмлэдэг тренд мода болоод буй. Ялангуяа Тик Ток сүлжээнд суганы үс, батгаатай царайгаа гайхуулан бахархсан охидоор дүүрэн байна. Энэ талаар гоо сайхан судлаач Аш "Арван жилийн дараа царай муутай төрх, үрчлээтэй арьс тренд болно гэдэгт итгэлтэй байна" хэмээн цахим хаягтаа жиргэсэн байна. Саяхнаас одоог хүртэл хүн бүр хүүхэлдэй шиг өөгүй пластик дүр төрхөд донтоод байсан нь үнэн. Харин мода эргэнэ гэгчээр натурал төрх бүр тэр тусмаа төгс бус үслэг, үрчлээтэй, батгатай төрх хүлээн зөвшөөрөгдөж буй нь сайшаалтай юм.
Ийнхүү Инстаграм, Тик Ток хоёрын дунд асар их ялгаа бий болж, өөрийн тухтай байдлыг мэдрэхийн тулд Тик Ток хэрэглэдэг хүмүүсийн тоо эрс нэмэгдсээр байна.
Хэн ч төгс биш. Хэрэв бүх зүйл төгс байсан бол утгагүй биш гэж үү? Иймд өөрөө өөрийгөө байгаагаар нь хайрлахын зэрэгцээ бусдын оршихуйг ч бас хүндэлж сурцгаая. Бүх зүйл байгаагаараа үзэсгэлэнтэй.
Эх Сурвалж: Dazed