Урин цаг наашилж, усны шувууд ирээд Монгол оронд минь хавар болжээ. Хөдөө нутагт төл малын дуу цангинаж, түмэн завгүй өдрүүд үргэлжилсээр. Нийслэл хотод маань ч түм түжигнэж, бум бужигнаж, нар ээсэн хавар цагийн дулаахан өдрүүд хүмүүсийн сэтгэлийг эерүүлэх нь таатай. Ингээд Монголд хавар ирснийг батлах 18 баримтыг сонирхуулъя.
1. Цасан дороос өндийх яргуй хавар болсныг гэрчилнэ.
2. Шувуудын жиргээ бол хаврын хамгийн гайхалтай аялгуу.
3. Малчны хотонд хурга, ишигний дуу цангинана. Энд бүр 4 ихэр хурга ч байна.
4. Цас, мөс хайлаад л...
5. Хун шувууд Монголд ирснийг та мэдсэн үү?
6. Сэтгэл гэгэлзээд хаа нэг тийшээ гармаар санагдах үе олон тохионо.
7. Нар эрт мандаж, орой жаргаж байгааг анзаарсан нь лавтай.
8. Хүмүүсийн хувцас нимгэрч, үзэсгэлэнт бүсгүйчүүд хотын гудамжийг чимж байна.
9. Тогтуухан байснаа гэнэт салхи хуйсагнаж, шороо босох нь яах аргагүй хаврын араншин.
10. Улаанбаатарын утаа багассаар л байна. Урин цаг ирсний шинж шүү.
11. Тоглоомын талбайг багачууд аль хэдийнэ эзэгнэжээ.
12. Гадуур алхах хүмүүс нэмэгдсээр л. Ажлаа тараад, хөгжим сонсонгоо алхах нь хаврын оройн хамгийн сайхан нь ч байж мэднэ.
13. Хосууд гадуур зугаалах нь ихэсчээ.
14. Наурызын баяр буюу “Нарны баяр” хоёрхон өдрийн дараа болох нь.
15. Хонхны баяр дөхөөд л байна шүү оюутнууд аа.
16. Ханш нээгдэж, ан амьтад ичээнээс гарах өдөр тун ойртож байна.
17. “Эмо”-чид ч юунд дутах вэ. Тэд аль хэдийнэ “ичээнээсээ” гарсан.
18. Хаврын анхны бороо. Үнэрийнх нь тухай ярих ч юм биш. Тансаг!
