Нийгэмд гэрэл гэгээтэй бүхнийг түгээх зорилготой "Bright Mongolia" агентлаг "Be BRIGHT" цуврал уулзалт, ярилцлагаа долоо дахь удаагаа зохион байгуулах гэж байна.
Уулзалтын энэ удаагийн зочноор амжилттай яваа “Start-up”-ийн үүсгэн байгуулагчид уригджээ.
Be BRIGHT #7 зочин илтгэгчид:
• "Leaf хүчилтөрөгч"-ийн үүсгэн байгуулагч Б.Золбоо
• "Gumuda Concept Store"-ийн үүсгэн байгуулагч Н.Хулан
• "Ruby Room UB"-ийн үүсгэн байгуулагч Э.Ганзориг
• "Оньс room"–ийн үүсгэн байгуулагчид Б.Солонго, Э.Гэрлээ
• "Mongolian Cover Night"-ийн санаачлагч О.Мишээл
Хүнс, эрүүл мэнд, хувцас, энтертайнмент зэрэг таван өөр салбарын төлөөлөгчид зочноор уригдсан нь бизнесийн салбарыг 5 өөр өнцөгөөс харж, сонсох боломжийг олгох юм.
Та энэхүү арга хэмжээнд очсноор үе тэнгийн залуустай танилцаж, халуун кофе уунгаа шинэ санаа, түүнийгээ хэрэгжүүлэх арга замыг олж харна гэдэгт итгэлтэй байна. Мөн сүүлийн үед хүчээ аваад байгаа "UB Comedy Club"-ийн залуус ирж, хошин яриагаараа та бүхнийг хөгжөөх юм билээ.
Тасалбар 20 мянган төгрөгийн үнэтэй бөгөөд үнийн дүнд халуун кофе, жигнэмэг багтсанаас гадна тасалбар авсан хүн бүрт зочин илтгэгчид тусгай хөнгөлөлт үзүүлнэ.
Түүнчлэн арга хэмжээний орлогоос "ИД ШИДИЙН ОРОН" хүүхэд хамгааллын төвд хандивлах аж. Тэгэхээр та энэхүү уулзалтад оролцсоноор өөртөө төдийгүй нийгэмдээ хэрэгтэй үйл хийж байна гэсэн үг.
Нийгэмд гэрэл гэгээтэй бүхнийг түгээх зорилготой энэхүү уулзалт танд шинэ санаа, шинэ сэдлийг төрүүлэх болно. Арга хэмжээ өнөөдөр буюу пүрэв гаригт МУИС-ын VII байрны хойд талд "ТАНАН" төвийн хурлын танхимд 18:30 цагаас болно.
