Та хуучны болон орчин цагийн сэтгэлд хоногшсон орос кинонуудыг байс хийгээд л нэг үзэж дурсамжаа сэргээх дуртай юу? Мосфильм нэгдлээс авахуулаад CTC кино компанийн хэчнээн давтан үзсэн ч уйдахгүй гайхалтай бүтээлүүд олон бий. Шинэ жилийн үдшийг л гэхэд алдарт “Ирония судьбы” буюу ”Хувь заяаны эргүүлэг”, “Ы ажиллагаа” зэрэг киногүй төсөөлөхөд бэрх. За тэгээд л ‘Нулимсанд итгэдэггүй’ Москва хотын амьдралыг үзэж санаа алдан, Кавказад өрнөсөн адал явдлыг ахин дахин гэрчилж, шинэ мянганы зааг дээрх Орос орны залуусын амьдрал "Бригада"-г түгшин бас догдлон үзэж, Моне рестораны хөгтэй явдлуудыг шимтэн суудаг даа.
Орос орны кино урлагийн сор болсон олон арван бүтээлүүд, сэтгэлд дотно дүрүүдийг өнөө цагийн дурангаар тольдож, хайртай жүжигчид маань хэрхэн өөрчлөгдсөнийг мөн бодит амьдрал дээр ямар төрхтэй болохыг толилуулъя. Алдарт найруулагч Леонид Гайдайн "Шурик" цувралуудаас авахуулаад “Гал тогоо” хүртэл цаг хугацааны эргүүлгээр нэг ороод гарах уу.
Та энд багтсан болон бусад олон сайхан орос кинонуудыг ҮНЭГҮЙ үзэхийг хүсвэл Юнивишнийн Орос - Европ кино багцыг 4-р сарыг дуусахаас өмнө амжиж идэвхжүүлээрэй.
Кавказад болсон явдал (1967)
1967 онд бүтээсэн Зөвлөлтийн инээдмийн уран сайхны энэ кино алдарт гурвал Вицин, Никулин, Моргунов нарын хамтран тоглосон хамгийн сүүлийн бүтээл юм. Өдгөө энэ киноны уран бүтээлчдээс гагцхүү Нинагийн дүрийг бүтээсэн жүжигчин Наталья Варлей л амьд буй билээ. Шурикийн дүрд тоглосон жүжигчин Александр Демьяненко 1999 онд нас барсан бол ард түмний хайртай ‘хөгтэй гурван дээрэмчин’ маань 1997-2001 онуудад таалал төгсжээ.
Нина Шурик 2, Кавказад болсон явдал
Нинагийн дүрийг бүтээсэн Наталья Варлей
Шурикийн дүрийг бүтээсэн Александр Демьяненко эхнэрийн хамт
Трус, Балбес, Бывалый 3, Кавказад болсон явдал
Евгений Моргунов, Георгий Вицин, Юрий Никулин 1990 он
Бригада (2002)
2002 онд дэлгэцэнд гарсан энэ бүтээл зөвхөн Оросод биш, хуучны Зөвлөлтийн харьяанд байсан бүх л улс оронд хит болсон юм. Нийгэм шилжиж, цаг үе ороо бусгаа болсон Орос оронд хууль дүрэм нөлөөлөхөө байж, ‘хэн хүчтэй нь амьд үлдэнэ’ дүрэм үйлчилж эхэлнэ. Энэ үед хар багын дөрвөн найз гудамжны гангстерууд байснаа хүчтэй мафийн бүлэглэл болон хувирч буй тухай түүхийг тэдний амьдрал, хайр сэтгэл, адал явдлаар өгүүлнэ. Шуугиан тарьсан кино шүү.
Саша Оля 2, Бригада
Оля/ Екатерина Гусева
Саша/ Сергей Безруков
Космос/ Дмитрий Дюжев
Фил/ Владимир Вдовиченков
Зөгий/ Павел Майков
Амьдрал нулимсанд дургүй (1980)
1981 онд Академийн шагналыг “Гадаад хэл дээрх шилдэг кино” төрөлд хүртсэн энэ бүтээл монголчуудын хамгийн үзэх дуртай кинонуудын нэг билээ. Тус бүтээлийн алдарт дүр Гоша буюу жүжигчин Александр Баталов 2017 онд 90 насандаа тэнгэрт хальжээ. Гол дүрийн бусад жүжигчид энх тунх байна.
Гоша/ Александр Баталов
Катерина/ Вера Алентова
Катерина, Гоша 2, Амьдрал нулимсанд дургүй
Александр Баталов, Вера Алентова
Гал тогоо (2012)
Орчин цагийн орос цувралуудаас хамгийн их үзэгчтэй, олон улсад рейтинг өндөртэй цуврал бол “Гал тогоо” юм. Москвагийн дээд зэрэглэлийн тансаг ресторануудын нэг “Клауде Моне”-д өрнөх олон үйл явдал, тэдний учиг зангилааг олох хэрэг үзэгч бидэнд гарна. Жаахан балгачихдаг ч гэлээ гайхалтай сайн ахлах тогооч Виктор Петровичийн удирдлага дор ажиллах гал тогооныхны адал явдал дуусахгүй. Энэ цуврал анх 2012 онд дэлгэцэнд гарч эхэлснээс хойш 8 жилийн хугацаа өнгөрчээ. Жүжигчид маань бодит амьдрал дээр ямар харагддаг бол?
Виктор/ Дмитрий Назаров
Дмитрий Нагиев
Костя Настя 2/ Ольга Кузьмина, Виктор Хориняк
Максим, Виктория 2/ Марк Богатирев, Елена Подкаминская
