1 мин

Өнөөдөр ердийн сараас 17 хувь том СУПЕР сарыг харах жилийн сүүлчийн өдөр

Г.Сүрэн 2022.08.12 2

2

Энэ жилийн дөрөв дэх буюу сүүлчийн Супер сар өнөөдөр гарах гэж байна. Супер сар нь сар тойрог замдаа дэлхийтэй хамгийн ойр байрлах үеийн бүтэн сар юм. 

Супер сар нь ердийн сараас 17 хувь том, 30 хувь тод харагдах бөгөөд Персеидийн солирын борооны оргил үетэй давхцах талаар НАСА мэдээлээд байна. Персеидийн солирын борооны үеэр цагт 50-100 солир үзэгддэг ч Супер сарны нөлөөллөөр харагдах байдал хязгаарлаж болзошгүй. 

Анх 1930 онд энэхүү Супер сарыг томоохон гол нууруудад элбэг байдаг ч хүмүүсийн нүдэнд төдийлөн үзэгддэггүй хилэм загасны нэрээр The Sturgeon Moon" хэмээн нэрийджээ. 

АНУ-ын астрофизикч Жеки Фахерти "Илүү том, илүү гэрэлтсэн сар боловч дэлхийн хаа нэгтээгээс та дээш хараад гайхмаар онцгой аварга зүйл харахгүй л болов уу. Гэвч бүтэн сар бүр гайхалтай байдаг шүү дээ" гэжээ. Дараагийн Супер сар 2023 оны наймдугаар сард үзэгдэх юм. 

Энэ оны долдугаар сард тохиосон Супер сарын гэрэл зургууд: 

Эх сурвалж: NYTimes 

Г.Сүрэн 2022.08.12

2