Зохиолч Л.Өлзийтөгсийн цоо шинэ хоёр ном гарлаа
Өнөө өглөө ном зохиолд шимтэн дурлагч хэн бүхнийг нэгэн гоё мэдээ угтлаа. Олон ч хүний дуртай зохиолч, яруу найрагч, өөрийн бүтээлүүдээрээ хэдийнээ сэтгэлд тод үлдсэн Л.Өлзийтөгсийн цоо шинэ хоёр роман хэвлэлтээс гарч, уншигчдад хүрэхэд бэлэн болжээ.
Түүний шинэ романы нэр "Хараацай зогсолт I, II" бөгөөд бүтээлийн тухайд түүний нөхөр, зохиолч, яруу найрагч Г.Аюурзана "Хоёр эмэгтэй уран бүтээлчийн дотоод ертөнц, хачирхалтай тэмдэглэлүүд, оньсого мэт бичвэр сүлэлдээн, тэдний харилцан уншилцсан гар бичмэлүүд... Өлзийгийн 2 боть шинэ роман... Гар бичмэлээр унших, хэвлэгдээд гарсан ном хэлбэрээр нь унших, яагаад ч юм бэ, үргэлж өөр өөр байдаг. Ахин уншихаар суулаа..." хэмээн бичжээ.
Та тус номыг Book.mn болон Internom.mn сайтуудаар захиалж, хүргүүлэн авах боломжтой юм байна.