Хайх зүйлээ бичнэ үү

3 мин

Таны заавал мэдэх ёстой Оросын 9 хөгжмийн зохиолч ба тэдний уран бүтээл

Сонгодог хөгжим ямагт шилдэг нь.


Сонгодог урлагийн ертөнцийг Орос улсгүйгээр төсөөлөх аргагүй. Та түүхэнд нэрээ тодоор мөнхөлж чадсан эдгээр хөгжмийн зохиолчдын уран бүтээлийг сонсож, мэддэг байх хэрэгтэй.


Михаил Глинка (1804 - 1857)

Тэр өөрийн амьдралаа дуу хөгжимд зориулсан нэгэн. Бага байхаасаа хөгжимд сонирхолтой болж, карьераа эхлүүлэхээр Санкт-Петербург явсан байдаг. Тэр Пушкин зэрэг зохиолч, яруу найрагчдыг шүтэн биширдэг, түүгээр хөглөгдөн аялгуугаа зохиодог байсан гэх. “Иван Сусанин” (1836), “Руслан ба Людмила” (1842) операнууд нь хамгийн алдартай.

Тэр уг бүтээлээ өөрийн биеэр дуусгаж чадаагүй байдаг:

 

Пётр Чайковский (1840 - 1893)

Оросын хөгжмийн зохиолчдын сор, дэлхийд хосгүй алдартай нэгэн бол гарцаагүй Чайковский билээ. Түүний “Хунт нуур” (1876), “Цөмөөхэй” (1892), “Нойрсож буй гүнж” (1889) зэрэг нь Оросын төдийгүй дэлхийн балетын ертөнцийн шилдгүүд юм. Хөгжмийн замнал нь гайхамшигтай боловч түүний хувийн амьдрал хүнд хэцүү байсан гэдэг. Мөн түүний үхлийн шалтгаан өнөөг хүртэл нууцлаг хэвээрээ л байна.

Цөмөөхэй балетын гайхамшигт хэсэг:

 

Николай Римский-Корсаков (1844 - 1908)

Тэр бол “Хүчирхэг бүлгэм”-ийн нэг байсан хөгжмийн зохиолч юм. Садко (1896), Шехеразада (1888) сьют зэргээрээ алдартай. 200 гаруй хөгжмийн зохиолч, хөгжимчин, удирдаачид түүний удирдлага дор төгсөж байсан.

Шехеразада сьютийн хэсэг:

 

Модест Мусоргский (1839 - 1881)

Тэр багаасаа хөгжимд сонирхолтой байсан ч гэр бүлийнхээ шахалтаар армид элссэн байдаг. Армид зүтгэх хугацаандаа тэр “Хүчирхэг бүлгэм”-ийн нэг Александр Бородинтой танилцсан байдаг. Ийнхүү хөгжмийн гараа нь эхэлсэн билээ. “Борис Годунов” (1870) операг онцлохын зэрэгцээ үхэхээсээ өмнө дуусгаж байсан “Хованщина” (1880) зэргийг дурдаж болно.

1867 онд дуусгасан бүтээл:

Александр Скрябин (1871 - 1915)

Багаасаа хөгжимд сонирхолтой байсан тэрбээр хөгжмийн гэр бүлд өссөн юм. Москвагийн Консерваторид суралцаж байсан тэрбээр профессороор ажиллах болсон. Түүний гол бүтээл нь “Прометей: Галын шүлэг” (1910) юм.

Түүний өвөрмөц, онцлох бүтээл:

Сергей Рахманинов (1873 - 1943)

Анхны төгөлдөр хуурын концертыг (1891) сурагч ахуй үедээ бичиж байсан байдаг. Дараа нь анхны симфони 1896 онд дууссан боловч шүүмжлэгчдийн зүгээс асар их шүүмжлэл хүртэж, түүнээсээ болж хэцүү байдалд орж байсан байна. Хоёр дахь төгөлдөр хуурын концертыг (1901) зохиосноороо тэр хөгжмийн урлагт эргэн иржээ. Большой театрт удирдаачаар мөн ажиллаж байжээ. Хувьсгалын дараа АНУ-руу нүүсэн байна.

Романс:


Игорь Стравинский (1882 - 1971)

Хөгжимчдийн үр хүүхэд байсан тэр анхнаасаа л хөгжмийн зохиолч болох нь тодорхой байв. Гэвч тэр эхэндээ үүнээс зайлсхийн, хуулиар сурсан байдаг. Сургуульд тэр Римский-Корсаковын хүүтэй танилцаж, зам нь шулуудсан байна. “Галт шувуу” (1910) болон “Петрушка” (1911) зэрэг бүтээлүүд нь түүнийг Орос байтугай дэлхийд таниулсан юм. Оросоос Европ руу, дараа нь АНУ-руу ирсэн тэрбээр 1940 онд “Симфони Cи” дуусгасан байна.

Галт шувуугийн хэсэг:

 

Сергей Прокофьев (1891 - 1953)

XX дугаар зууны хөгжмийн гол төлөөлөгчдийн нэг. Балетын хөгжим бичих гэж Сергей Дягилевтэй ойр ажилладаг байв. Хувьсгалын дараа АНУ-руу гарахаас өөр аргагүйд хүрч, тэндээ төгөлдөр хуурчаар хэсэг ажилласан байна. Зөвлөлт холбоот улсад эргэн ирээд тэр шинэ хөгжмүүд бичиж эхэлжээ. “Ромео ба Жульетта” (1935) болон Сергей Эйзенштейний найруулсан “Александр Невский” киноны хөгжмийг 1938 онд бичиж байжээ.

Гайхалтай бас өөр юутай ч зүйрлэшгүй ""Dance of the Knights:

 

Дмитрий Шостакович (1906 - 1975)

Удирдаачаар суралцаж байсан ч төгөлдөр хуурчаар ажилладаг байжээ. Түүний эхэн үеийн бүтээлүүд тэр болгон амжилт олоогүй юм. Долоодугаар симфони хөгжмөөрөө тэр жинхэнэ нэрд гарсан. “Ленинград симфони” (1942) мөн маш их алдартай болсон юм. Ленинградын Филармонд болон Германы цэргүүдэд эзлэгдсэн хотуудад түүний хөгжим чангаар эгшиглэдэг байж. Дайны дараа Москвад эргэн ирж багшлах болсон ба ЗХУ-ын хэд хэдэн киноны хөгжмийг бичсэн байдаг.

Вальс:


Хамгийн их уншилттай
1
2021.09.24
"Squid Game" кинотой холбоотой хамгийн хөгжилтэй 16 пост
2
2021.09.28
"Squid Game" киноны жүжигчин И Жон-жэгийн тухай 14 сонирхолтой баримт
3
2021.09.28
Габби Петитод юу тохиолдов? | Түүний хэргээс суралцах хортой харилцааны тухай 10 зүйл
холбоотой мэдээ
1
4 цагийн өмнө
Э.Амартүвшин ДЭЛХИЙН ШИЛДЭГ баритон дуучнаар шалгарлаа
2
6 цагийн өмнө
UB.life-ийн хөтөч: Аравдугаар сарын 19-26
3
2021.10.15
Дуучин Аделийн зургаан жилийн дараах шинэ дуу цацагдлаа
санал болгох
1
2 цагийн өмнө
Уйлангаа инээмээр санагдуулах шинэ MacBook Pro-той холбоотой 11 МИЙМ
2
2 цагийн өмнө
Марвелын шинэ зургаан киноны нээлт хойшилж, хоёр киноны хугацаа тодорхойгүй боллоо
3
3 цагийн өмнө
Өнөөдөр "Squid Game"-ийн жүжигчин У Ён-сугийн төрсөн өдөр буюу түүний тухай 5 баримт

Энэ мэдээнд өгөх таны сэтгэгдэл?
1
0
1
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.