1 мин

Монгол улсын IQ дэлхийд 12-т оржээ

IQ үзүүлэлтээрээ АНУ, ОХУ зэрэг томчуудыг хаян, дэлхийд 12-т орно гэдэг сайхан амжилт юм.

М.Сугар-Эрдэнэ 2019.01.14

"Vouchercloud" цахим хуудас дэлхийн хамгийн ухаалаг 25 орныг шалгаруулжээ. Чансааг гаргахдаа тухайн орноос төрсөн Нобелийн шагналтны тоо, хүн амын дундаж IQ, хүүхэд залуучуудын боловсролын түвшин гэсэн 3 үзүүлэлтийг харгалзан үзсэн байна.

Дэлхийн хамгийн ухаантай улсаар Япон улс шалгарлаа. Тэд Нобелийн шагналтны тоогоор дэлхийд 6, IQ мөн 6, залуучуудын боловсролоор 5-р байрт шалгарсан ч дундаж дүнгээр ийнхүү тэргүүлсэн байна. Арлын орны араас Швейцарь, Хятад, АНУ, Голланд, ОХУ, Бельги, Их Британи, Канад, Өмнөд Солонгос жагсжээ.
Барууны орнууд Нобелийн шагналтны тоогоор давамгайлж байгаа ч удахгүй Азийн орнуудад гүйцэгдэх нь цаг хугацааны асуудал гэж шинжээчид үзэж байна. Учир нь улс үндэстнүүдийн IQ дээр Азийн орнууд тасархай түрүүлсэн юм. Эхний 6 байр Ази тивийнх болсон.

Хүн амын дундаж IQ

1. Сингапур 107.1 дундаж оноо
2. Хятад105.8
3. Хонконг 105.7
4. БНСУ 104.6
4. Тайван 104.6
6. Япон 104.2
7. Финланд 100.9
8. Канад 100.4
8. Голланд 100.4
10. Лихтенштейн 100.3
11. Швейцарь 100.2
12. Монгол 100

Манай орон хэдийгээр дэлхийн хамгийн ухаалаг 25 оронд багтаж чадаагүй ч IQ үзүүлэлтээрээ АНУ, ОХУ зэрэг томчуудыг хаян, дэлхийд 12-т орно гэдэг сайхан амжилт юм.