Шинжлэх ухааныг бүрэн автоматжуулж чадах уу? Машин сургалтын судлаачдын баг үүнийг оролдож үзжээ. Токиогийн Sakana AI компанийн баг болон Канад, Их Британи дахь эрдэм шинжилгээний лабораторид бүтээсэн "AI Scientist" нь дата сан дахь ном зохиолууд дээр үндэслэн шинэ бүтээн байгуулалтад зориулсан таамаглал дэвшүүлэхээс эхлээд шийдлийг туршиж үзэх хүртэлх судалгааны бүх төрлөөр ажлыг гүйцэтгэж байгаа аж. Мөн энэхүү хиймэл оюун ухаан нь бусад эрдэмтдийн ажил, судалгааг хянаж, үр дүнг нь үнэлэх ажлыг хийж байна.
Канадын Ванкувер дахь Бритиш Колумбын их сургуулийн машин сургалтын судлаач, AI Scientist-ийн хамтран бүтээгч Конг Лу хэлэхдээ "Миний мэдэж байгаагаар хэн ч шинжлэх ухааны бүх нийгэмлэгийг үүн шиг нэг цэгт огтлолцуулаагүй" хэмээжээ.
Харин Сиэтл дэх Вашингтоны их сургуулийн тооцооллын нийгмийн судлаач Жевин Уэст “Шинжлэх ухааны салбарт илүү их ахиц, амжилт гаргахад туслах л юм бол, бид энэ тал дээр илүү их ажиллаж, шинэ зүйлсийг турших хэрэгтэй“ хэмээв.
AI Scientist нь томоохон хэл шинжлэлийн загвар (LLM) дээр суурилдаг. Загвар болгон оруулсан бичиг баримттай төстэй бүтээлүүдийг нэн түрүүнд энэхүү хиймэл оюун ухаан хайж олдог аж. Дараа нь энэхүү туршилтуудыг хийж буй багийнхан Дарвины хувьслын мутаци, байгалийн шалгарлаас санаа авсан хувьслын тооцоолол хэмээх аргыг ашиглажээ. Энэ нь алгоритмд жижиг, санамсаргүй өөрчлөлтүүдийг хийж, үр ашгийг дээшлүүлэх өөрчлөлтүүдийг сонгох замаар алхам алхмаар явагддаг аж.
Шинжлэх ухааны нээлтийг автоматжуулах мөрөөдөл аль 1950-иахд оноос эхэлсэн бөгөөд арав гаруй жилийн өмнө “Автомат статистикч 2” хэмээх хэрэгсэл өгөгдөлд дүн шинжилгээ хийж, өөрийн баримт бичгийг бичих боломжтойгоор гарч ирж байжээ. Мөн Химич роботыг бүтээж, туршсан тохиолдлууд олон бий.
Энэхүү хиймэл оюун ухаанд хүмүүс олон байр суурьтай байгаа аж. Зарим нь ийм зүйлийг хүлээн зөвшөөрөхөд бэрх хэмээн хүлээн авч байгаа бол, зарим нь шинжлэх ухааны салбарт ахиц дэвшил гаргахын тулд A.I бол зайлшгүй хэмээн үзэж байна.
