Гэгээлэг сайхан мөчүүд биднийг хүлээж байгаа гэдэгт итгэж байна. Ингээд та бүхэндээ энэ долоо хоногт зарлагдсан шинэхэн эвент, хөгжмийн тоглолт, төрөл бүрийн бүтээлч өдөрлөгүүдийг хүргэе!
Нарлаг, дулаан өдрүүд биднийг хүлээж байна. Намрын, налгар өдрүүдийг адал явдлаар дүүрэн өнгөрүүлэхээ мартуузай.
Nine Treasures Live in Mongolia
Өвөр Монголын фолк метал хамтлаг Монголд маань хүрэлцэн ирж бидний чих, сэтгэл зүрхийг зэрэг мялаах нь ээ.
Хаана: The Corporate Hotel and Convention Centre
Хэзээ: 9 сарын 7
XMF энэ жил 2024 оны 9 сарын 7-нд Төв цэнгэлдэх хүрээлэнд Реппер Цэцэ-гийн "Tsetse vs Bilgee" тоглолтыг зохион байгуулах ба үзэгч фенүүддээ энэ жилийн хамгийн чанартай тоглолтыг хийж өгөхөөр бэлтгэж байна.
Хаана: Төв Цэнгэлдэх Хүрээлэн
Хэзээ: 9 сарын 7
Намрын доргио Хип Хоп үдэш.
Хаана: HIT PARK
Хэзээ: 9 сарын 7
INDIFEST 2024 бол Монголын анхны бие даасан уран бүтээлчдийн зохион байгуулж буй хөгжмийн наадам юм. Энэхүү наадам нь шинэ залуу авьяастнууд, тэр дундаа indie уран бүтээлчдийг нэгтгэж, тэдний бүтээлүүдийг олон нийтэд хүргэхийг зорьж байгаа юм. Deep Sea Vincents, Teresa in the Moon, Uudee’s Swashbuckling Dandies зэрэг хамтлагууд маань энэ фестивалийг онцгой болгохын сацуу өөрсдийн шинэ цомгуудыг танилцуулах болно. Наадам нь зөвхөн дуу хөгжим ч биш, сонирхолтой хөтөлбөрүүд, fashion худалдаа авалт, урлагийн үзэсгэлэн зэрэг олон арга хэмжээг багтаасан. Энэ нь наадмын үеэр та бүхэнд дуу хөгжим сонсохоос гадна сонирхолтой арга хэмжээнүүдэд оролцож, гайхалтай шагналуудыг хожих, онцгой дурсамж бүтээлцэх боломжийг олгож байгаа шүү!
Хаана: Happy Park
Хэзээ: 9 сарын 6
Дэлхийн театрын ертөнцөд Монгол соёлыг тамгалж буй Хөдөлмөрийн баатар, Ардын уран зохиолч Бавуугийн Лхагвасүрэнгийн зохиол, Б.Баатарын найруулга ''Тамгагүй Төр'' жүжгийн олон улсын Уэст Энд хувилбар болох ''The Mongol Khan'' жүжгийг 10-р сараас Сингапур улсад тоглож, Азийн аялан тоглолтоо эхлэх их аянд мордохын өмнө үзэгч Та бүхний мэлмийд өргөн барьж байна.
Хаана: Улсын Драмын Театр
Хэзээ: 9 сарын 1-11
“УЯН ТАНСАГ – FLEXIBLE & LUXURY” ОЛОН УЛСЫН УРАН НУГАРАЛТЫН ТОГЛОЛТ
Дэлхийд гайхагдсан "Монгол уран нугаралт"- нь эдүгээ дэлхийн циркийн тавцанд СОНГОДОГ төрөл болон хөгжлийнхөө шинэ шатанд хүрээд байгаа билээ. Анх 2023 онд АНУ-ын Лас Вегас хотноо МУГЖ. Ж.Эрдэнэчимэгийн санаачлагаар зохиогдсон "УЯН" наадам өнөөдөр 2 дахь удаагаа өөрийн төрөлх хөрсөн дээр Монголын үзэгчдийн өмнө зохион байгуулагдахаар боллоо. Энэ удаагийн форумд Монголын уран нугараачид төдийгүй АНУ, Япон болон Европын олон орнуудаас мэргэжлийн уран нугараачид хүрэлцэн ирж Нийслэлийн "Улаанбаатар театр"-ын тайзнаа жинхэнэ "Могойн чуулган" болох гэж байна. Энэхүү тоглолт арга хэмжээ 2024 оны 9 дүгээр сарын 7,8-ны өдрүүдэд "Улаанбаатар театр"- т зохиогдоно.
Хаана: Улаанбаатар театр
Хэзээ: 9 сарын 7
