Гадаад хэл сурахын тулд орчуулгагүй кино үз гэж зөвлөдөг. Ингэхэд тухайн орныхоо үг яриа, хэллэгийг хурдан сурдаг гэнэ. Ялангуяа хараал, хэрүүлийн үгсийг нутгийн уугуул иргэн мэт л хэлдэг болж чадна. Саяхан Stadafa сайтаас хамгийн их хараал хэлдэг киног шалгаруулжээ. Маргаан гаргахгүйн тулд тэд зөвхөн fuck болон түүнээс үүсэлтэй үгнүүдийг л авч үзэж, тоолжээ.
Нэгдүгээр байр: Мартин Скорсезе найруулагчийн “Уолл-стритийн чоно” (The Wolf of Wall Street) кино. 180 минутын дотор 569 хараалтай.
Хоёрдугаар байр: 1999 оны “Сэмийн цуст зун” (Summer of Sam) хэмээх маньяк Дэвид Берковицийн бодит түүхээс сэдэвлэсэн бүтээл. 130 минутад 439 хараал.
Гуравдугаар байр: Англи, Францын хамтарсан, 1997 оны “Nil by Mouth” 131 минутад 428 хараалтайгаар оржээ. Каннын кино наадмын дэд байрт шалгарсан кино.
Дөрөвдүгээр байр: Бас л Мартин Скорсезе найруулагч. Роберт Де Ниро, Шэрон Стоун, Жо Пеши нарын тоглосон “Казино”. Баатрууд нь 171 минутад 422 удаа хараасан байна.
Тавдугаар байр: Адам Сэндлерийн гол дүрд нь тоглосон “Uncut Gems”. 130 минутад 408 хараал.
Зургаадугаар байр: Рэп дуучдын тухай “Straight Outta Compton” кино. 147 минутад 392 хараалтай.
