Netflix-ээс 2022 онд гарч, дэлхийг байлдан дагуулсан “Уэнсдэй” киноны хоёр дахь хэсгийн зураг авалт өндөрлөснийг зарлаж, эхний албан ёсны зургаа танилцууллаа.
Гэрэл зураг дээр Женни Ортега оршуулгын газрын хаалганы дэргэд зогсож байх бөгөөд ард нь сэтгэл сэрдхийлгэм баримал, гэрэл асаж байгаа нь аймшиг үргэлжилсэн хэвээр байгааг харуулна.
“Уэнсдей” киноны эхний хэсэг 2022 оны 11 дүгээр сарын 23-нд гарч, Аддамс гэр бүлийн охин тэр дороо дэлхийд алдаршсан билээ. Ганцхан сарын дотор тус цувралыг тэрбум хүн үзсэн нь Squid Game-тэй бараг зэрэгцсэн амжилт байв.
Шинэ ангид: Кэтрин Зета-Жонс (Мортиша), Луис Гусман (Гомес), Исаак Ордонес (Пагсли), Луянда Унати Льюис-Ньяво, Эмма Майерс (Энид Синклер), Жой Сандей (Бьянка Барклей), Хантер Дуэн (Тайлер Галпин), Виктор Доробанту (Гар), Муса Мостафа (Южин Оттинжер), Жоржи Фармер (Аякс Петрополус), Фред Армисен (Фестер), Жейми МакШейн (шериф Донован Галпин), Иви Темплтон (залуу Уэнсдей) нар тоглосон. Яг ямар дүрд гэдэг нь тодорхойгүй ч Леди Гага гарч ирнэ. Харин Торпын дүрд тоглосон Перси Хайнс-Уайт хүчирхийллийн хэрэгт холбогдсон тул Netflix гэрээгээ цуцалсан байна.
Кино 2025 оны сүүлээр нийтийн хүртээл болно.
