Нарүто дэвжээний дээд зиндааны монгол сүмоч Оошёома П.Дэлгэрбаяр гэрлэсэн талаар Японы хэвлэл мэдээллээ. Түүний гэргий нь Японы Айчи мужийн уугуул, онгоцны үйлчлэгч бүсгүй ажээ. Тэд хоёр жилийн өмнө нэгэн хүлээн авалт дээр танилцсан бөгөөд нэг жил хагас үерхсэний эцэст энэ сар гэрлэлтээ бүртгүүлжээ. Сүйт бүсгүй япон, англи, хятад хэлээр чөлөөтэй ярьдаг гэнэ.
Оошёома “Гэр бүлтэй болсон болохоор үүрэг хариуцлага нэмэгдэж байна. Хичээхгүй бол болохгүй. Ирэх жил санякүд дэвших зорилготой” гэж сэтгүүлчдэд ярьсан байна.
