Энэ жил анимэ ертөнц шинэ цувралууд, шилдэг үргэлжлэлүүдээр дүүрэн байх нь ээ. Анимэ сонирхогчдын 2025 онд тэсэн ядан хүлээж байгаа хамгийн өндөр хүлээлттэй 9 анимэг бид энэ нийтлэлдээ танилцуулж байна.
1. Sakamoto Days (1-р улирал) - 2025 оны 1 сарын 11
Энэхүү анимэ нь анх "Shonen Jump" сэтгүүлд манга хэлбэрээр хэвлэгдэж, дэлхий даяар маш алдартай болжээ. Тэгвэл уг манганы анимэ хувилбарын эхний анги хэдхэн хоногийн өмнө цацагдлаа. Эхний анги үзэгчдийн хүртээлд хүрснээс хойш хүлээлт улам өндөрссөөр байна. Гол баатар Сакамото хамгийн аюултай, алдартай хөлсний алуурчдын нэг байв. Тэрээр хайртай эмэгтэйтэйгээ гэрлэж, хуучин амьдралаа орхин энгийн дэлгүүрийн эзэн болж амьдрахыг хүсдэг. Гэсэн хэдий ч түүний тайван амьдрал удаан үргэлжлэхгүй. Түүний өмнөх амьдралын холбоотнууд Сакамотогийн амар тайван амьдралд хэрхэн саад учруулах бол?
2. Kaiju No. 8 (2-р улирал) - 2025 оны 7-р сар
Kaiju No. 8 бол дэлхий даяар нэрд гарсан, үйл явдлаараа үзэгчдийг байлдан дагуулж буй анимэ юм. Энэхүү цувралын хоёрдугаар бүлэг 2025 оны 7-р сард гарахаар төлөвлөгдөж байна. Анимэ нь Наоя Мацүмотогийн бүтээсэн манганд тулгуурласан бөгөөд мангасуудын дайралт, хүмүүсийн тэмцэл гээд л шинэлэг үйл явдал, гайхалтай дүрслэлээр дүүрэн . Төрлийн хувьд алдарт “Attack on Titan”-тай нэлээд төстэй тул энэ анимэд дуртай бол заавал үзэхийг зөвлөе.
3. Solo Leveling: Arise from the Shadow (2-р улирал) - 2025 оны 1 сарын 5
“Solo Leveling: Arise from the Shadow” нь Өмнөд Солонгосын алдартай цахим зурагт номоос сэдэвлэсэн анимэ бөгөөд 2025 оны хамгийн өндөр хүлээлттэй төслүүдийн нэг болоод байна. Энэхүү анимэд нууцлаг порталуудаас мангасууд гарч ирэн хүний ертөнцийг заналхийлдэг бөгөөд эдгээр мангасуудтай тэмцэхийн тулд "Анчид" хэмээх тусгай чадвартай хүмүүс бий болжээ.
4. Dan Da Dan - 2025 оны намар
“Dan Da Dan” бол Юүкинобү Тацүгийн бүтээлээс сэдэвлэсэн, хий үзэгдэл, харь гарагийнхан, хошин шогийг хослуулсан өвөрмөц анимэ юм. Гол дүрүүд Момо Аясе, Окарун хоёр өөрсдийн итгэл үнэмшлийг батлах гэж адал явдалд явдлын эрэлд гарч, сүнс, харь гарагийнхны ертөнцөд татагдан орно. Анимэ нь хошигнол, адал явдал, аймшгийн элементүүдийг гайхалтай хослуулж, үзэгчдэд өвөрмөц туршлага өгөх болно.
5. Demon Slayer: Kimetsu no Yaiba (4-р улирал) - 2025 оны 3-р сар
Танжиро Камадо болон түүний нөхдийн демонтой тэмцэж буй адал явдлын үргэлжилсээр. Энэ бүлэгт Танжиро, Нэцуко, Зэницу, Иносуке нар улам хүчирхэг болж, шинэ дайснуудтай тулалдаж, дэлхийн хамгийн хүчтэй демонуудтай нүүр тулан сөргөлдөх болно. Тус анимэ нь сэтгэл хөдлөл, тулаан, адал явдлыг хослуулан үзэгчдийг өөрийн хүчирхэг үйл явдлаараа байлдан дагуулна.
6. Jujutsu Kaisen (3-р улирал) - 2025 оны зун
Южи Итадори болон түүний хамтрагчдын сүнсний хүчтэй тулаан, адал явдлууд дахин үргэлжлэх нь ээ. Энэ бүлэгт Итадори болон түүний баг хараагдсан сүнснүүдийн эсрэг тэмцэж, илүү том, аюултай дайснуудтай тулгарна. Энэ бүлэг шинэ аймшигтай харанхуйн хүчүүдийг танилцуулж, хүчирхэг тулаанууд болон сэтгэл хөдөлгөм хэсгүүдээр дүүрэн байх болно.
7. My Hero Academia (7-р улирал) - 2025 оны сүүл
Энэ бүлэгт Декү болон түүний анд нөхдийн шилдэг баатрын төлөөх тулаанууд үргэлжилнэ. Энэ бүлэгт баатрын сургалт, сорилтууд улам хүндэрч, Декү, Бакуго, Тодороки нарыг илүү том сорилтууд хүлээж байх болно. Шинэ дайснуудын эсрэг тэмцэхэд тэдэнд ямар саад бэрхшээл учрах бол?
8. One Punch Man (3-р улирал) - 2025 оны дундуур
Сайтама буюу "One Punch Man" гэгддэг хамгийн хүчирхэг баатрын адал явдал энэ онд дахин үргэлжлэх нь ээ. Энэ бүлэгт Сайтама улам эрч хүчтэй дайснуудтай тулгарах боловч түүний хамгийн том сорилт бол зөвхөн хүчээр бус, сэтгэл зүйн хувьд ч удирдах чадвар, баатарлаг шинж чанараа хөгжүүлэх шаардлагатай болно.
9. Chainsaw Man (2-р бүлэг) - 2025 оны 1-р сар
Өмнөх бүлэгт Дэнжиро Почита гэдэг сүнсийг авч, хүчирхэг "Chainsaw Man" болсон бол энэ бүлэгт түүнтэй холбоотой шинэ аюулууд болон илүү том сорилтууд тулгарна.
