Шинэ долоо хоногийн мэнд хүргэе! Өвлийн хүйтэн өдрүүд үргэлжилсээр байгаа ч энэ 7 хоногт цаг агаар нэлээд дулаарах шинжтэй байна. Ховорхон олдох өвлийн дулаан өдрүүдийг үр бүтээлтэй, хөгжилтэй өнгөрүүлээрэй. Ингээд та бүхэндээ энэ долоо хоногт зарлагдсан шинэхэн эвент, хөгжмийн тоглолт, төрөл бүрийн бүтээлч өдөрлөгүүдийг танилцуулъя.
"Feuille's Canvas Wine & Canvas Night
Гэрээ тохижуулах эсвэл хайртай дотно хүмүүстээ бэлэг болгон өгч болохуйц сайхан бүтээлүүдийг зурж, үдшийг бүтээлчээр өнгөрүүлэхийг хүсвэл энэ арга хэмжээг зориорой. Та зурах чадвартаа эргэлзэх шаардлагагүй, мэргэжлийн уран зургийн багш таныг удирдан чиглүүлж, уран бүтээлчийн бэлтгэсэн тусгай хөгжмийн ая хөтөлбөрийн турш эгшиглэж уран зургийн ертөнц рүү таныг хөтлөх аж.
Хэзээ: 1 сарын 14
Хаана: Norphei Art Gallery
Тасалбарын үнэ: 60000₮
Төрийн соёрхолт яруу найрагч Р.Чойномын нэрэмжит "Залуу нас" утга зохиолын дугуйлан нь өөрийн бичсэн шүлгээ уншиж, ярилцах сонирхол нэгт хэн бүхэнд нээлттэй.
Хэзээ: 1 сарын 17
Хаана: Д.Нацагдоржийн нэрэмжит Улаанбаатар Хотын Нийтийн Төв Номын Сан
Тасалбарын үнэ: Үнэ төлбөргүй
Францын хөгжмийн зохиолч Ф.Херольдын "La Fille mal gardee" (Муу хамгаалагдсан охин) балет та бүхэнд "Дэггүй Лиз" нэрээр хүрч байгаа аж. Энэхүү хоёр бүлэгт балетыг анх 1789 онд Францын Бордо хотын "Гранд Опера" театрт анх тоглож байжээ.
Хэзээ: 1 сарын 18
Хаана: Улсын Дуурь Бүжгийн Эрдмийн Театр
Тасалбарын үнэ: 30000-80000₮
HUNNU BARE KNUCKLE FIGHTING CHAMPIONSHIP
Монголын бээлийгүй боксын холбооны 2025 оны анхны тулаан тун удахгүй болох гэж байна. Хэрэв та тулааны спорт сонирхогч бол яг одоо тасалбараа захиалаарай.
Хэзээ: 1 сарын 17
Хаана: UG arena
Тасалбарын үнэ: 39000-1сая 200 мянга₮
ИНЖЕНЕРЧЛЭЛТЭЙ ТАНИЛЦАХ 5 хоног
Сурагчдын өвлийн амралтанд зориулсан танин мэдэхүйн 5 сэдвийн цуврал сургалт, Воркшоп үргэлжилж байна. Хүүхдээр бүтээл, туршилт хийлгүүлж, тоглоомын аргаар явагддаг сонирхолтой воркшоп сургалт нь хүүхдийн танин мэдэхүйн суурь мэдлэгийг нь багаас нь хөгжүүлж, шинжлэх ухаанд дурлуулах зорилготой.
Хэзээ: 1 сарын 13-17
Хаана: Мэдээлэл, Технологийн Үндэсний Парк
Тасалбарын үнэ: 1 сэдэв хичээл нь: 50.000 ₮
Урлагаар анагаах буюу хөгжмөөр дамжуулан нийгмийн эрүүл мэндийн салбарт хувь нэмрээ оруулах зорилготой үүсгэн байгуулагдсан Sound Meditation Mongolia нь “Бүх Хүртэхүйд” Медиа арт & Cаунд арт бүхий үзэсгэлэнг “Улаан Гэр” галерейд толилуулж байгаа гэнэ.
Хэзээ: 1 сарын 29 хүртэл
Хаана: “Улаан Гэр” галерей
Тасалбарын үнэ: 10.000 ₮
