Арабын Нэгдсэн Эмират улсад нэгдүгээр сарын 24-28-ны өдрүүдээр явагдсан “Tour of Sharjah” тэмцээнд монголын хоёр тамирчин хурд сорив.
Эл тэмцээнд 23 орны 174 дугуйчин оролцож, таван өдөрт 526.26 км замыг туулах амаргүй даалгавартай нүүр тулсан юм.
“Ханжоу-2022” Азийн наадмын хүрэл медальт, болзол хангаж олимпын наадамд оролцсон анхны Монгол дугуйчин С.Жамбалжамц “Tour of Sharjah”-ийн эхний гараанд хүрэл медаль атгаж, таван өдрийн нийлбэр дүнгээр 5-р байрт шалгарав. Тэрбээр энэхүү амжилтаар UCI-ын чансаагаа 15 оноогоор ахиуллаа.
Харин өсвөрийн ДАШТ-д түрүүлсэн анхны монгол тамирчин Б.Тэгшбаяр “Tour of Sharjah” тэмцээний нийлбэр дүнгээр 21-р байрт эрэмбэлэгдлээ.
