Apple Watch-ийг хөлийн шагайндаа зүүх шинэ тренд TikTok дээр түгээмэл болж, хэрэглэгчдийн анхаарлыг татаж байна. Энэ үзэгдэл зөвхөн загварын чиг хандлага биш, харин практик хэрэгцээний улмаас үүссэн аж. Хэрэглэгчид Apple Watch-ийг хөлөндөө зүүх хэд хэдэн шалтгааныг нэрлэжээ.
Гарын бугуй нарийхан хүмүүст тохиромжтой: Зарим хүмүүсийн бугуй нь хэт нарийн тул ухаалаг цагны мэдрэгчүүд зөв уншихгүй байх асуудалтай тулгардаг байна.
Эмнэлгийн ажилтнуудын шийдэл: Эмч нар болон эрүүл мэндийн ажилтнууд халдварын эсрэг дүрмийн дагуу бугуйнаас огт цаг зүүх боломжгүй тохиолдолд хөлийн шагайндаа зүүх арга сонгожээ.
Шивээс нь мэдрэгчийг төөрөлдүүлдэг: Зарим хэрэглэгчдийн бугуйн шивээс Apple Watch-ийн мэдрэгчийг төөрөлдүүлдэг тул хөлийн шагайнд зүүх нь илүү үр дүнтэй болсон байна.
Тохиромжтой оосор: Хэрэглэгчид Apple Watch-ийг шагайндаа зүүхийн тулд шинэ төрлийн оосор ашиглаж эхэлсэн байна.
Энэхүү шинэ тренд нь эрүүл мэндийн хэрэглээ болон практик хэрэгцээтэй холбоотойгоор улам нэмэгдэж байгаа юм.
