UBLife Logo
Нийгэм

Б.Бямбасайхан: Зарим ААН голын ай савд шороо асгаж нарийсгаж, халиа тошин халих эрсдэлийг нэмэгдүүлж байна

Ub.life
Ub.life
Б.Бямбасайхан: Зарим ААН голын ай савд шороо асгаж нарийсгаж, халиа тошин халих эрсдэлийг нэмэгдүүлж байна

Баянзүрх дүүргийн 2 болон 29 дүгээр хороо, Сэлбэ голын орчимд халиа тошин халих эрсдэл үүссэнд ГУББГ-аас арга хэмжээ авч ажиллалаа. Сар шинийн баярын өдрүүдээр цаг агаар дулаарч, нэмэх хэм рүү орсон. Мөн зарим байгууллага, аж ахуйн нэгжээс голын ай савд шороо асгаж нарийсгах, голын голдиролыг өөрчлөх зэрэг зохисгүй үйлдлүүд гаргаж, улмаар эдгээр үйлдлээс шалтгаалж халиа тошин нэмэгдэж байгаа талаар Геодези, усны барилга байгууламжийн газрын дарга Б.Бямбасайханаас тодрууллаа.

Тэрбээр “Цаг агаарын нөхцөл байдлаас үүдэн энэ жилийн хувьд илүү тархмал хүрээнд олон байршилд халиа тошин үүссэн. ГУББГ-аас өдөр бүр арга хэмжээ авч ажилласан. Ойрын өдрүүдэд цаг агаар нэмэх хэм рүү орсноор уулын шар ус ихээр орж ирж байна. Үүнээс гадна иргэд болон зарим аж ахуйн нэгж, байгууллагаас санаатай болон санамсаргүйгээр голыг нарийсгах, шугам хоолойг тасдах зэрэг буруутай үйл ажиллагаа гаргаснаас халиа тошин нэмэгдэх, авто зам дээр ус тогтох, айл өрх усанд автах зэрэг эрсдэлтэй нөхцөл байдлыг бий болгож байна” гэлээ. 

ГУББГ-аас үерийн далан байгуулах, шугам хоолой угсрах, халиа тошингийн хэмжээг барьж, тогтоох ажлуудыг тогтмол хийж байгаа боловч нөгөө талд зарим хариуцлагагүй байгууллага, аж ахуйн нэгж, зарим тохиолдолд иргэний буруутай үйлдлээс шалтгаалж халиа тошин нэмэгдэх эрсдэл үүсэж байгаа юм. Цаашид цаг агаар дулаарч, шар усны үер, халиа тошингийн нөхцөл хүндрэх магадлал өндөр байгаа учраас иргэд, аж ахуйн нэгжүүд сонор сэрэмжтэй байж, дээрх үйлдлүүдийг гаргахгүй байхыг уриалж байна.

ЭНЭ МЭДЭЭНД ӨГӨХ ТАНЫ СЭТГЭГДЭЛ?
0
0
0
0
0
0
0
0

СЭТГЭГДЭЛ БИЧИХ
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.