АНУ-ын Геологийн судалгааны хүрээлэнгийн мэдээлснээр өнөөдөр Мьянмарт болсон газар хөдлөлт нь 7.7 магнитудын хүчтэй байжээ. Газар хөдлөлтийн голомт нь тус улсын Сагаинг суурингаас хойш 16 километрийн зайд орон нутгийн цагаар 12.50-д бүртгэгдсэн байна. Улмаар хоёр дахь газар хөдлөлт нь 12 минутын дараа 6.4 магнитудын хүчтэй болжээ.
Одоогоор мэдэгдэж байгаар Мьянмар дахь сүмд мөргөл үйлдэж байсан хүмүүсээс гурван хүн газар дээрээ амиа алдсан гэв. Мөн Янгон хотын нисэх буудлын орчимд 1.6 сая хүн гацаад байна.
Мьянмарт голомттой уг газар хөдлөлт нь хил залгаа Хятадын зарим хотууд болон Тайландын хойд хэсгийн Чиан Май хот болон нийслэл Бангкок хотод хүчтэй мэдрэгджээ. Бангкок хотын өндөр байшин нурсны улмаас нэг хүн амиа алдаж, нэг хүн сураггүй болж, 50 гаруй хүн гэмтэж бэртсэн мэдээлэл одоогоор байна. Түүнчлэн Тайландын Ерөнхий Сайдын Бангкокт онц байдлын зэрэг тогтоосноо зарлалаа.
Мьянмарт ч бас Цэргийн дэглэмийн тэргүүлэгчид газар хөдлөлтөд өртсөн гол хотууд болох Мандалаи болон Нейпидод онц байдал зарлаж байгаагаа мэдэгдсэн байна. Түүнчлэн Энэтхэгийн Ерөнхийлөгч Мод тус улсад шаардлагатай тусламж, дэмжлэг илгээхэд бэлэн байгаагаа илэрхийллээ.
