Польш улсад тавдугаар сарын 12-16-ний өдрүүдээр явагдсан сонирхогчдын боксын Дэлхийн цомын тэмцээнд Монголын 12 тулаанч хүч сорив.
“Лос-Анжелес-2028” олимпын наадмын оноо олгох чухал ач холбогдолтой уг тэмцээнд Монголын гурван тамирчин финалдсан.
Эмэгтэйчүүдийн 54 кг-ын жинд тулалдсан М.Энхжаргал, эрэгтэйчүүдийн 54 кг-д өрсөлдсөн Х.Билгүүнсайхан, 50 кг-д хүч сорьсон А.Баттулга нар уг тэмцээнээс мөнгөн медаль атгалаа.
Түүнчлэн 54 кг-д тулалдсан Г.Лундаа, 65 кг-д оролцсон Б.Мишээлт нар мөнхүү тэмцээнээс хүрэл медаль зүүв.
