АНУ-ын эрдэмтэд ХДХВ/ДОХ-ын эсрэг 99-100 хувийн буюу бараг бүрэн хамгаалж чадах шинэ тарилга бүтээжээ. Yeztugo гэдэг энэхүү тарилгыг жилд ердөө хоёр удаа хийлгэхэд л хангалттай. Одоогийн хэрэглэж байгаа эмчилгээ нь өдөр болгон эм ууж, хэдэн сар тутамд тариулдаг бол Yeztugo эмчилгээний зардлыг хэд дахин хэмнэх бололцоо олгоно.
20 жил ажилласны эцэст бүтээсэн энэхүү тарилга ямар ч аюултай хавьтлын тохиолдолд вирус халдахаас хамгаалж чаддаг гэнэ. Энэ тарилга олон жил хүн төрөлхтнийг шаналгасан ДОХ-ын цар тахлыг даван туулах түлхүүр болно гэж эрдэмтэд үзэж байгаа юм.
Yeztugo тарилга энэ оны сүүлээр АНУ-ын зах зээлд гарна. Харин бусад орнуудад бүртгүүлэх, албан ёсны зөвшөөрөл авах бэлтгэл ажил хийгдэж байгаа юм.
