Манай хойд хөрш Буриадад ой хээрийн түймэр маш их хэмжээгээр гарч, гамшгийн байдалд хүрээд байна. Роскосмос корпорацийн албан ёсны хуудсанд Буриад, Өвөр Байгалийн хязгаарын ойн түймрийг сансраас авсан гэрэл зураг нийтлэгджээ. Зургийн талаар Роскосмос корпорациас “Хиймэл дагуулаас авсан гэрэл зургаар Буриадад маш их түймэртэй, онц байдалтай байгаа нь харагдаж байна. Хэд хэдэн хот суурингийн дэргэд түймрийн утаа маш их харагдлаа” гэж тайлбарласан байлаа.
Одоогийн байдлаар Буриадад 46 ойн түймэр асч байгаа. Өвөр Байгалийн хязгаарт гарч байсан найман түймрийг өчигдөр бороо орсны ачаар унтрааж чаджээ.
