Саудын Арабын Эр-Рияд хотноо 8-р сарын 20-ны өдөр хөшгөө нээсэн“CS2” тоглоомын Дэлхийн цомын тэмцээнд 16 баг хасагдах форматаар өрсөлдөж байна.
1,250,000 долларын шагналын сантай энэ наадамд хүч сорьж буй “The MongolZ” багийнхан 8-р сарын 20-ны өдөр “GamerLegion” багийг 2:0-ээр буулган авснаар шигшээ наймд шалгарсан юм.
Тэд дөнгөж саяхан Францын төлөөлөл “3DMAX“-ийг 2:1-ээр илүүрхэж, хагас шигшээ шатнаа хүрээд байна.
“The MongolZ” багийнхан дараагийн тоглолтодоо “Vitality” болон “Tyloo” багуудын аль хожсонтой нь тулалдах болно. Улмаар хожвол финалдаж, ялагдвал хүрлийн төлөө тоглох юм.
