Азийн эмэгтэйчүүдийн Аваргуудын лигийн тэмцээний урьдчилсан шатны “А“ хэсгийн тоглолтууд 8-р сарын 25-31-ний өдрүүдэд Мьянмарын Янгон хотноо болов.
Монголоос анх удаа энэ тэмцээнд оролцсон “Ховд Вестерн” багийнхан нээлтийн тоглолтодоо Филиппиний “Stallion Laguna” клубт 6:1-ээр хожигдсон.
"Ховд Вестерн”-ий түүхэн энэ гоолыг Өмнөд Солонгос тоглогч Ли Нари оруулсан юм.
Тэд пүрэв гарагт Мьянмарын “I.S.P.E” багтай хүч сорьж, 8:0-ээр ялагдсан бол харин хэсгийн сүүлчийн тоглолтодоо Гуамын “Strykers” клубийг 5:2-оор буулгаж авсан.
Энэ нь Монголын клуб уг тэмцээний тоглолтод ялалт байгуулсан анхны тохиолдол болж бүртгэгдлээ.
“Ховд Вестерн”-ээс Нигери тоглогч Эстер Сэндэй дубль толилуулсан бол Ө.Бадамхатан, Өмнөд Солонгос тоглогчид болох Ким Хён Жон, Жон Юн-Үк нар тус бүр нэг гоол оруулсан.
Ялалт байгуулсан “Ховд Вестерн” багийнхан “А” хэсгийн гуравдугаар байрт эрэмблэгдлээ.
