Испанийн шигшээ баг болон “Барселона” клубийн хагас хамгаалагч Айтана Бонмати дэлхийн шилдэг хөлбөмбөгчинд олгодог БаллонДор шагналыг гурвантаа гардсан анхны эмэгтэй тоглогч боллоо.
Түүнтэй “Арсенал”-ын Мариона Калденти хамгийн ойрхон өрсөлдсөн юм.
Өдгөө 27 настай Бонмати үүнээс өмнө 2023, 2024 онуудад уг шагналыг гардсан.
“Барселона”-гийн тоглогчид сүүлийн таван жил дараалан уг шагналын эзнээр тодроод байна.
“Евро-2025” тэмцээний хагас шигшээд Германы эсрэг хожлын гоол оруулсан тэрбээр үүнээс хэдхэн хоногийн өмнө өвчний улмаас эмнэлэгт хэвтээд байлаа.
Гэлээ ч тэр эмнэлгийн орноос өндийж, Европын АШТ-ий финалд шалгарч чадсан юм.
