Монголын The MongolZ баг “ESL Pro League Season 22” тэмцээний хоёрдугаар шатанд Natus Vincere-д ялагдаж, тэмцээнийг 9-11 дүгээр байрт, 38500 ам.долларын шагналтай өндөрлүүллээ.
Манай багийн Аюуш “mzinho” Батболд тэмцээний дараа ярилцлага өгсөн байна.
Тэрээр “Бид хэт шатчихлаа гэж бодож байна. HOTU, Inner Circle гэсэн хоёр том ялагдлын дараа формоо хадгалах хэрэгтэй байсан. Монголд байхдаа бид огт бэлтгэл хийдэггүй” гэж ярьжээ.
Харин Содбаяр “Techno4K” Мөнхболд “Энэ тэмцээнд үнэхээр муу тоглосноо хүлээн зөвшөөрөх хэрэгтэй. Өрсөлдөгчид маань огт өөр маягаар тоглож байлаа. Бид тэмцээн болгоны дараа гэртээ харьж амардаг. Харин энэ удаа бид Европт үлдэж, бэлтгэлээ хийнэ. Монгол явах нь хэт хол байна. Тиймээс эндээ бэлтгэсэн нь дээр. Бидэнд хийх юм маш их байна. Манай баг муу формтой байгаа тул бэлтгэлээ сайн хийнэ. Азид баг цөөхөн болохоор Монголд бэлтгэл хийхэд хүндрэлтэй байдаг” гэж хэлсэн байна.
