Хайх зүйлээ бичнэ үү

2 мин

“Pandora Papers”-аас онцлох таван баримт: Тони Блэйр, Зеленский, Пиньера...


117 улсын 600 гаруй сэтгүүлч 11.9 сая баримтыг хоёр жил орчим судалж шинжсэний эцэст “Pandora Papers” нэрийн дор нийтэлсэн талаар мэдээлсэн. 1971-2018 онд оффшор бүсэд байгуулагдсан 27 мянган компанитай холбогдох мэдээллээс үзэхэд, улстөрч, нийгмийн зүтгэлтэн, олны танил хүмүүст хөрөнгөө нууж, татвараас зайлсхийх боломж олгодог, олон улсын, нарийн зохион байгуулалттай тогтолцоо нэгэнт тогтжээ. 

Оффшор бүс судлалаар мэргэшсэн, Беркли их сургуулийн судлаач Габриэл Зукманы тооцоолсноор дэлхийн нийт ДНБ-ий 10 хувьтай тэнцэхүйц хөрөнгө оффшор бүсэд бүртгэлтэй буй. Улс орнууд татвараар дамжуулан төсөвтөө төвлөрүүлэх байсан олон зуун тэрбум ам.долларыг алдсан гэсэн үг. 

“Пандора баримтууд”-аас онцлох таван баримт: 


1. Чилийн Ерөнхийлөгч Себастьян Пиньера багын найз, бизнесмен Карлос Дэланод зэс, төмрийн хүдрийн орд Минэра Домингаг зарсан нь илэрчээ. Энэ хүрээнд Чилид 14 сая ам.доллар, Виржинийн арлуудад 138 сая ам.долларыг нь, нийт 152 саяыг гурав хувааж төлөхөөр гэрээлсэн аж. Гэхдээ байгаль орчинд үзүүлэх нөлөөллийг нь хянаж шалгахгүй гэсэн баталгаа гаргаж өгвөл л сүүлчийн шилжүүлгийг хийнэ гэсэн нөхцөл тавьсан байна. Пиньера нөлөөллөө ашиглан, хэлсэн нөхцөлийг нь биелүүлсэн аж.

2. Пакистан, Нидерланд, Бразил, Мальта, Францын Эдийн засаг, Сангийн сайдаар ажиллаж байгаа болон ажиллаж байсан эрхмүүд оффшор компанитай нэр холбогджээ. Тэр дунд Олон Улсын Валютын Сангийн захирал асан Доминик Стросс-Каны нэр байгаа нь анхаарал татаж байна. 

3. Бразилийн эдийн засагт ихээхэн нөлөөтэй хоёр хүн буюу Эдийн засгийн сайд Паулу Гедес, Төв банкны ерөнхийлөгч Роберто Кампос Нето нарын тухай мэдээлэл Латин Америкийг шуугиулж буй. Паулу Гедесийн хэрэгжүүлсэн татварын шинэчлэл оффшор бүс дэх хувийн хөрөнгийг дарамтаас чөлөөлөх зорилготой байжээ хэмээн шинжээчид үзэж байгаа аж. 

4. Иргэд татвараа шударгаар төлөх ёстой хэмээн удаа дараа ярьж асан Тони Блэйр 8.8 сая ам.долларын барилгыг ямар ч татвар төлөхгүйгээр худалдан авч, 400 мянган ам.долларын татвараас зайлсхийжээ. Тэрээр Бахрейны Аялал жуулчлал, үйлдвэрлэлийн сайд Зайед бин Рашид аль-Заяанигаас оффшор үл хөдлөх хөрөнгийн компани худалдан авсан байна. 

5. Украины Ерөнхийлөгч Владимир Зеленский ерөнхийлөгчийн сонгууль болохоос нэг сарын өмнө буюу 2019 оны гуравдугаар сард “Maltex Multicapital Corp” хэмээх оффшор компанид эзэмшдэг хувиа дотнын найз Сергей Шефирт зарсан байна. С.Шефир одоо ч эзэмшсээр буй аж. 

Хамгийн их уншилттай
1
2021.09.24
"Squid Game" кинотой холбоотой хамгийн хөгжилтэй 16 пост
2
2021.09.28
"Squid Game" киноны жүжигчин И Жон-жэгийн тухай 14 сонирхолтой баримт
3
2021.09.28
Габби Петитод юу тохиолдов? | Түүний хэргээс суралцах хортой харилцааны тухай 10 зүйл
холбоотой мэдээ
1
18 цагийн өмнө
ХОБО ЖИБЭ | Ким Сон У-гийн тухай скандал, Бриттани Мөрфигийн нууцлаг үхэл
2
2021.10.13
Калифорни мужид харилцан зөвшилцөлгүйгээр бэлгэвчээ тайлахыг гэмт хэрэг хэмээн хуульчиллаа
3
2021.10.12
'DC Comics'-ийн шинэ супер баатар бисексуал гэдгийг зарлалаа
санал болгох
1
38 минутын өмнө
Уйлангаа инээмээр санагдуулах шинэ MacBook Pro-той холбоотой 11 МИЙМ
2
1 цагийн өмнө
Марвелын шинэ зургаан киноны нээлт хойшилж, хоёр киноны хугацаа тодорхойгүй боллоо
3
1 цагийн өмнө
Өнөөдөр "Squid Game"-ийн жүжигчин У Ён-сугийн төрсөн өдөр буюу түүний тухай 5 баримт

Энэ мэдээнд өгөх таны сэтгэгдэл?
0
1
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.