Өчигдрөөс (2022.04.08) хойш Төв талбай дээр залуус цуглан, тайван жагсаал хийж, залуусын төлөөлөл Засгийн газарт 8 шаардлага хүргүүллээ. Өөрсдийн дуу хоолойг илэрхийлэхээр хараат бусаар сэтгэл зүрхээ даган цугласан залуусын жагсаалын үеэр цөөнгүй эерэг зүйлс анзаарагдсан юм.
#1 Ажлын цагаар үзэл бодлоо илэрхийлэхэд нь дэмжлэг болгон албан байгууллагууд ажилчдадаа цалинтай чөлөө өгч байв.
#2 Жагсагчдыг үнэ төлбөргүй Төв талбай руу дөхүүлэн өгөх такси:
#3 Жагсаалын эхний өдөр Төв талбай дээр номын худалдаа зохиогдож байсан ч тэд ч бас жагсаалыг дэмжин, талбайгаас буулаа.
#4 Үүрийн 04:00 цаг хүртэл зуу зуун залуус цуглан жагссан ч ширхэг ч хоггүй байв.
#5 Эхний өдөр жагсагчдын тоо нэмэгдсээр байсан тул зам руу оруулах, аливаа осол аваар, зөрчил гарахаас сэргийлсэн юм.
#6 Хүн бүхэн юу чаддаг, түүгээрээ бусдыгаа дэмжиж, чадах бүхнээ хийхээр хичээж байсан нь хамгийн сэтгэл хөдөлгөм байлаа.
#7 Багш нар ч оюутнууддаа үзэл бодлоо илэрхийлэх эрх чөлөөг нь олгож байлаа.
#8 Талбай дээр нэгэндээ ус, кофе, цай дөхүүлэн өгч буй хүмүүс цөөнгүй байлаа.
#9
#10
#11 Жагсаалын эргэн тойронд ч эерэг хандлага, эерэг үйл явдлууд өрнөсөөр байв.
#12 Залуус хайртай амьтантайгаа хамт эх орондоо чадах бүхнээ хийн тайван, аз жаргалтай амьдармаар байгаагаа илэрхийлсээр байна.
#13 Жагсаалын хамгийн бяцхан оролцогчийн хайр хүргэн, сэтгэл хөндөх лоозон:
#14 Тэгш хүртээмжтэй нийгмийн төлөө залуус цугласан гэдгийг бид мартаж болохгүй.
#15 Гадаадад ажиллаж, амьдардаг залуус ч үзэл бодлоо илэрхийлэн "хамт" байгаагаа бидэнд мэдрүүлсээр байна.
#16 Өдрөөс өдөрт улам ёс зүйтэй, соёлтой болж буй залуус байгаагаараа л хамгийн том дуу хоолой болсон юм.
#17 Ирээдүйнхээ төлөө дуу хоолойгоо өргөж буй бяцхан жагсагч:
Жич: Иргэний эрхээ эдлэн тайван жагсаж буй залуус та бүхэндээ аюулгүй байдлаа чухалчилж, анхаарал сэрэмжээ алдахгүй байхыг зөвлөж байна.
