Алдарт дуучин PSY-ийн Каннөн хотод хийсэн "Summer Swag 2022" тоглолтын дараа тайзыг буулгаж байсан монгол залуу харамсалтайгаар осолдсон нас баржээ.
Солонгосын цагаар 7 сарын 31-ны 15 цаг 52 минутын үед энэхүү осол болсон бөгөөд хориодхон настай монгол залуу тайзны гэрлийн цамхгийг буулгах гэж байх үедээ 20 орчим метрийн өндөр дээрээс унасан байна.
Залуу ойролцоох эмнэлэгт яаралтай хүргэгдсэн боловч тэр дороо нас баржээ. Энэхүү харамсалтай осол 7 сарын 30-нд болсон тоглолтын маргааш нь тохиолджээ. Цагдаагийн зүгээс тус ажилтан хөл алдан унасан байх магадлалтай хэмээн үзсэн байна. Мөн борооноос шалтгаалан ийм хэрэг гарсан байх өндөр магадлалтайг тогтоожээ.
Уран бүтээлч PSY-ийн P Nation лэйблийн зүгээс энэхүү явдалд гүнээ харамсаж буйгаа илэрхийлж, мөн дахин ийм явдал гаргахгүй байх талаас чадах бүхнээ хийнэ гэдгээ мэдэгдсэн байна.
Тус тоглолт 300 тонн цэвэр ус ашиглаж цацсан, тоглолтын дараа олон хүний шинжилгээний хариу эерэг гарсан гэх мэтээр олон хэл ам дагуулаад байсан юм.
Эх сурвалж: Koreaboo
