БШУЯ: Цэцэрлэг, сургуулийн элсэлтэд вакцин хийлгэсэн байх шаардлага тавихгүй
Цэцэрлэгийн элсэлт, бүртгэлийг Нийслэлийн хэмжээнд e-mongolia.mn цахим системээр өчигдрөөс эхлэн зохион байгуулж буй билээ. Өнөө жил цэцэрлэгийн бүртгэлд 2017.01.01-ний өдрөөс 2020.12.31-ний хооронд төрсөн хүүхдүүд хамрагдах юм. Харин цахимаар бүртгүүлэх боломжгүй иргэд хамран сургах тойргийнхоо цэцэрлэг дэх дэмжлэг үзүүлэх ажлын хэсэгт хандан бүртгүүлэх боломжтой.
Цахим бүртгэлийг 3 үе шаттай зохион байгуулах бөгөөд эхний шатны бүртгэл энэ сарын 24-ний өдрийг хүртэл үргэлжилнэ.
Түүнчлэн Боловсрол, шинжлэх ухааны яамнаас "Цэцэрлэг, сургуулийн элсэлтэд вакцин хийлгэсэн байх шаардлага тавихгүй. Мөн Монгол Улсад сугалааны цэцэрлэгийн тогтолцоог халж байна" хэмээн мэдэгдээд байна.