Тайланд улсад зохион байгуулагдаж буй боксын 22 хүртэлх насны Азийн АШТ-д 20 улсын 149 тамирчин оролцож байна. Тус тэмцээнд өрсөлдсөн монголын тамирчдаас эмэгтэйчүүдийн 60 кг-ийн жинд Т.Номин-эрдэнэ Тажикистаны тамирчинтай тулалдаж 4:1 харьцаатай ялалт байгуулснаар хүрэл медалийн болзол хангав.
Тэрээр өдгөө 19 настай бөгөөд өнгөрсөн онд боксын насанд хүрэгчдийн Азийн АШТ-д анх удаа өрсөлдөж, мөнгөн медаль хүртсэн юм.
