1 мин

63 настай япон ээж хүүгийнхээ хүсэлтээр эмэгтэйчүүдийн нүцгэн зургийг авч байгаад баригджээ

Ub.life 2023.01.26 1

2

Нийтийн халуун усны газар эмэгтэйчүүдийн зургийг нууцаар авч байгаад баригдсан 63 настай Сатоми Сэки гэрээсээ барагтай цухуйдаггүй хүү Акиноригоо “тайвшруулахаар” зураг авсан гэж мэдүүлжээ. Цагдаа нар мөрдсөний эцэст ээж хүү хоёр өнгөрсөн наймдугаар сараас хойш 20 гаруй удаа ийн эмэгтэйчүүдийн нүцгэн зургийг авч байсныг илрүүлсэн байна. Тэднийг 2-3 жилийн хорих ялаар шийтгэх магадлалтай гэнэ. Акинори тэдгээр зургийг цахим орчинд борлуулахаар зэхэж байсан хэмээн мэдүүлсэн аж. Гэхдээ хараахан зарж амжаагүй байсан бололтой. 

Сүүлийн 10 жилд зөвшөөрөлгүй зураг, бичлэг авсан тохиолдол хоёр дахин нэмэгджээ. 2021 онд л гэхэд 5019 хүнийг энэ төрлийн хэргээр баривчилсан нь урьд хожид байгаагүй өндөр үзүүлэлт гэнэ. 

Киото мужийн цагдаагийн газраас Youtube болон бусад стрийминг үйлчилгээний цахим хуудаснуудад охидын хормойн доороос зураг авахгүй байхыг анхааруулсан бичлэг нийтлэх болсон бол Осакагийн цагдаа нар галт тэрэг, метроны буудал зэрэг олон хүн хөлхөлддөг газруудад энгийн хувцастай цагдаа нараар эргүүл хийлгэх болжээ. 

Ub.life 2023.01.26

2